Zenez 22:18 - Labib An Kreol Seselwa

¹⁸ Atraver ou desandans, tou nasyon lo later pou ganny beni, akoz ou'n ekout mon lavwa.”

Zenez 22:18 ပူးပေါင်းရင်းမြစ်များ

Zenez 12:2

Mon pou fer ou vin papa en gran nasyon e mon pou beni ou. Mon pou fer ou non vin enportan e ou ava vin en benediksyon.

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Zenez 18:18

la ki i pou vin zanset en gran pep pwisan, e tou nasyon lo later ava ganny beni atraver li?

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Zenez 22:10

Apre, Abrahanm ti anvoy son lanmen e pran kouto pour egorz son garson.

Zenez 22:3

Lannmen, Abrahanm ti lev granmaten, prepar son bourik, e pran de serviter ek son garson Izaak, avek dibwa pour sakrifis. I ti pran semen pour al dan sa landrwa ki Bondye ti'n endik li.

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

Psonm 72:17

Son non ava ganny selebre pour touzour; son repitasyon ava dire pour touzour e bann pep ava pronons son non pour zot beni kanmarad. Tou bann nasyon i deklar li byennere!

Egzod 7:6

Moiz ek Aaron ti fer koman SENYER ti'n ordonn zot.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Matye 1:1

Sa i lalis bann zanset Zezi-Kri, desandan David, ki ti li menm en desandan Abrahanm:

Akt de Zapot 3:25

Sa promes ki Bondye ti fer par bann profet i pour zot. Zot annan par dan sa lalyans ki Bondye ti fer avek zot bann zanset, kan i ti dir avek Abrahanm: Mon pou beni tou pep later atraver ou desandan.

Romen 1:3

Sa i konsern son Garson Zezi-Kri, nou Senyer. Koman en zonm, i ti desandan lerwa David.

Galat 3:16

Bondye ti fer son bann promes avek Abrahanm e avek son desandans. I pa ti dir: Avek son bann desandan, konmsi i annan plizyer. Me i ti refer avek en sel: Avek ou desandan, setadir Kris.

Galat 3:18

Me si leritaz ki Bondye in promet i depann lo Lalwa, alor, i pa kapab depann lo son promes. Pourtan, se par en promes ki Bondye in donn Abrahanm son faver.

Efezyen 1:3

Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.

1 Samyel 2:30

Alor la sa ki SENYER, Bondye Izrael i deklare: Mon ti promet ou fanmir ek fanmir ou papa ki zot pou vin mon pret pour touzour. Me la aprezan SENYER i deklare: Aprezan, mon onor sa ki onor mwan, me sa ki mepriz mwan, pou ganny meprize li osi.