Zenez 22:1 - Labib An Kreol Seselwa

¹ Apre, Bondye ti teste Abrahanm. I ti dir li, “Abrahanm!” Abrahanm ti reponn, “Wi, la mon la.”

Zenez 22:1 ပူးပေါင်းရင်းမြစ်များ

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Zenez 21:11

Sa parol ti bles bokou Abrahanm, akoz Izaak ti osi son garson.

Zenez 22:11

Alor, lanz SENYER dan lesyel ti apel Abrahanm. I ti dir li, “Abrahanm, Abrahanm!” Abrahanm ti reponn, “Wi! La mon la.”

Zenez 22:7

Izaak ti dir son papa, Abrahanm, “Papa!” Abrahanm ti reponn, “Wi, mon garson.” Izaak ti demann li, “Nou annan dibwa ek dife; me oli zenn mouton pour sakrifis?”

Zenez 37:13

Izrael ti dir Zozef, “Eski ou bann frer pa'n anmenn bann troupo Sikenm? Mon pou anvoy ou kot zot.” Zozef ti reponn, “La mon la.”

Zenez 46:2

Aswar, Bondye ti koz avek Izrael atraver bann rev. I ti dir li, “Zakob, Zakob.” I ti reponn, “La mon la.”

2 Samyel 24:1

SENYER ti pran lakoler kont Izrael. I ti pous David pour fer zot ditor. I ti dir li: Al fer resansman Izrael ek Zida.

2 Kronik 32:31

Me dan zafer bann anbasader ki ti sorti Babilonn, Bondye ti les li lib pour teste li, pour war tou sa ki i ti annan dan fon son leker. Bann sef Babilonyen ti anvoy mesaze pour kestyonn li lo levennman ekstraordiner ki'n arive dan son pei.

Psonm 11:5

SENYER i teste dimoun ki zis. I deteste sa enn ki kontan vyolans.

Egzod 16:4

SENYER ti dir Moiz, “Mon pou fer dipen tonbe sorti dan lesyel pour zot. Tou le zour, lepep ava sorti e ranmas kantite neseser pour sak zour. Konmsa, mon pou teste zot pour war si zot pe obeir mon lalwa ou non.

Egzod 3:4

SENYER ti war ki Moiz ti pe aprose pour war. Alor, Bondye ti apel li depi dan milye sa zarbis, “Moiz, Moiz!” I ti reponn, “La mon la.”

Proverb 17:3

Dife i teste lor ek larzan; me SENYER i sond leker.

Ezai 6:8

Alor, mon ti antann lavwa SENYER ki ti demande, Lekel mon pou anvoye? Lekel ki pou al dan nou plas? Mon ti dir: La mon la! Anvoy mwan!

1 Korentyen 10:13

Bann tantasyon ki zot in gannyen, i ariv avek tou dimoun. Me Bondye i fidel dan son promes. I pa pou permet ki nou ganny tante plis ki nou kapab siporte. Kan tantasyon i vini, Bondye osi i donn lafors pour kapab siporte, e mwayen pour sorti.

Deterononm 13:3

ou pa pou ekout bann parol sa profet oubyen sa vizyoner. Annefe, SENYER, ou Bondye pe teste ou. I oule konnen si vreman ou kontan SENYER, ou Bondye avek tou ou leker e avek ou et antye.

Deterononm 8:16

Dan dezer ki ou bann zanset pa ti konnen, i ti donn ou lamann pour manze, pour li imilye ou e teste ou, e alafen, pour ou prop dibyen.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

Ebre 11:17

Par lafwa, kan Bondye ti teste li, Abrahanm ti ofer Izaak an sakrifis. I ti pare pour ofer son sel garson an sakrifis, alor ki i ti'n resevwar en promes.

Let Zak 2:21

Nou papa Abrahanm, pa i ti ganny rekonnet zis par son aksyon, kan i ti ofer son garson Izaak lo lotel?

1 Pyer 1:7

Tousala i vin lokazyon donn vre valer zot lafwa, ki pli presye ki lor. Parey lor, malgre ki i kapab abimen kan i ganny teste par dife, zot lafwa i devre ganny teste pour montre son valer. Alor, i ava servi pour rann glwar, louanz ek loner Zezi-Kri, kan i pou ganny revele.

Ziz 2:22

I ti dir sa, ti pour li teste bann Izraelit, pour war si zot pou swiv semen SENYER e mars parey zot bann zanset ti'n fer.

1 Samyel 3:4

SENYER ti apel Samyel. Samyel ti reponn, “Wi, la mon la!”