Zenez 21:8 - Labib An Kreol Seselwa

⁸ Sa zanfan ti grandi e zour i ti ganny sevre, Abrahanm ti fer en gran lafet.

Zenez 21:8 ပူးပေါင်းရင်းမြစ်များ

Zenez 19:3

Me Lot ti telman ensiste ki zot ti aksepte al kot li e i ti fer en repa pour zot. I ti kwi dipen san lelven e zot ti manze.

Zenez 21:7

I ti azoute, “Lekel ki ti pou dir Abrahanm ki en zour Sara ti pou donn tete en zanfan? Pourtan i vre, mon'n donn li en garson dan son vyeyes.”

Zenez 21:9

En zour, Ismael, sa garson ki Agar, sa fanm Ezipsyen, ti'n gannyen avek Abrahanm, ti pe zwe. Sara ti war sa,

Zenez 26:30

Izaak ti fer en lafet pour zot e zot ti manze e bwar.

Zenez 29:22

Alor, Laban ti rasanble tou bann zonm dan sa landrwa e fer en lafet.

Zenez 40:20

Trwa zour plitar, Faraon ti ganny son lanniverser. Ti annan en gran lafet pour tou son bann serviter. Faraon ti fer sorti responsab labwason ek sef patisye dan prizon.

2 Samyel 3:20

Abner ti ariv Hebron kot David avek 20 zonm. David ti fer en lafet pour Abner ek son bann zonm.

1 Rwa 3:15

Salomon ti leve, e i ti realize ki i ti pe reve. Alor, i ti al Zerizalenm, prezant li devan Kof lalyans SENYER e ofer sakrifis konplet ek sakrifis lakominyon e i ti donn en festen pour tou son bann serviter.

Ester 1:3

Dan trwazyenm lannen son renny, i ti donn en festen pour tou son bann o fonksyonner ek son bann minis. Bann sef larme Lapers ek Medi, bann nob, bann gouverner provens, ti prezan.

Psonm 131:2

Me mon reste kalm e trankil parey en pti zanfan ki'n sevre avek son manman. Mon parey sa zanfan sevre avek son manman.

Oze 1:8

Gomer ti sevre Lo-Rouama; i ti ansent ankor e ganny ankor en garson.

Ziz 14:10

Apre sa, son papa ti desann kot sa fanm. La, Sanmson ti donn en gran festen, parey bann zenn zan i annan labitid fer.

Ziz 14:12

Sanmson ti dir zot, “Les mwan propoz zot en zedmo. Si pandan sa set zour festen, zot arive eksplik mwan sa zedmo, si zot trouv son sinifikasyon, mon ava donn zot 30 rob ek 30 lenz resanz.

1 Samyel 1:22

Me Ann pa ti al avek li. I ti dir son mari, “Ler nou garson ava'n sevre, mon ava anmenn li e prezant li devan SENYER; i ava reste laba pour touzour.”

1 Samyel 1:24

Apre ki i ti'n sevre li, i ti anmenn li dan tanp Silo. I ti pran osi avek li en pti toro 3 an, en sak lafarin ek en sak ranpli avek diven.

1 Samyel 25:36

Ler Abigail ti ariv kot Nabal, ti annan en festen rwayal kot li. I ti dan lazwa e konpletman sou. Alor, i pa ti dir li nanryen ziska bomaten.