Zenez 21:6 - Labib An Kreol Seselwa

⁶ Sara ti dir, “Bondye in fer mwan riye avek lazwa. Tou dimoun ki antann sa, pou riy avek mwan.”

Zenez 21:6 ပူးပေါင်းရင်းမြစ်များ

Zenez 17:17

Abrahanm ti tonm lafas ater. I ti riye, e dir dan son leker: Eski en zonm 100 an i kapab fer zanfan? E Sara ki annan 90 an, eski i pou kapab ganny zanfan?

Psonm 113:9

I donn en lakaz sa fanm steril. I parey en manman ki partaz lazwa son bann zanfan. Loue SENYER!

Psonm 126:2

Alor, nou pa ti arete riye, nou ti kriy avek lazwa. Alor, parmi lezot nasyon zot ti dir: SENYER in fer bann gran mervey pour zot!

Ezai 49:15

Eski en fanm i kapab oubliy son pti baba ki i pe donn tete? Pa i annan konpasyon pour sa zanfan ki i'n donn nesans? Menm si i oubliy li, mwan mon pa pou oubliy ou.

Ezai 49:21

Alor, dan ou leker ou pou dir: Lekel ki'n donn mwan tou sa bann zanfan? Mon pa ti annan okenn zanfan e mon ti steril. Mon ti annegzil e mon ti ganny delese. Alor, lekel ki'n donn mwan tou sa bann zanfan? Mon ti'n ganny abandonnen. Alor, kote sa bann zanfan i sorti?

Ezai 54:1

Sante, fanm steril! Ou ki pa'n zanmen ganny zanfan, Kriye e fer tande sanson lazwa! Ou ki pa'n konn douler lakousman. Sa fanm abandonnen pou annan plis zanfan, ki fanm marye. La sa ki SENYER i deklare:

Zeremi 20:15

Modi sa zonm ki ti al anons mon papa: Ou'n ganny en garson!

Levanzil dapre Lik 1:14

Ou pou ganny bokou lazwa ek kontantman, son nesans pou anmenn lazwa pour bokou.

Levanzil dapre Lik 1:58

Son bann vwazen ek son bann fanmir ti'n tande ki Senyer ti'n montre son bonte anver li. Zot tou, zot ti vin partaz son lazwa.

Romen 12:15

Rezoui avek sa enn ki dan lazwa, e pran lapenn avek sa enn ki dan lapenn.

Ebre 11:11

Par lafwa, Sara osi, menm si i ti byen aze, ti ganny pouvwar fer zanfan, akoz i ti krwar ki Bondye ki'n fer sa promes, pou osi realiz li.

1 Samyel 1:26

Ann ti dir Eli, “Pardon mon senyer! I vre! Mwan menm sa fanm ki ti debout isi pour priy SENYER.