Zenez 20:9 - Labib An Kreol Seselwa

⁹ Apre, Abimelek ti fer apel Abrahanm. I ti dir li, “Ki ou'n fer nou? Ki mon'n fer kont ou pour ou anmenn sa malediksyon lo mwan e lo mon rwayonm? Ou pa ti devre azir konmsa anver mwan.

Zenez 20:9 ပူးပေါင်းရင်းမြစ်များ

Zenez 12:18

Faraon ti fer apel Abranm. I ti dir li, “Ki ou'n fer mwan? Akoz ou pa ti dir mwan ki Sarai i ou fanm?

Zenez 20:10

Avek ki lentansyon ou'n fer sa?”

Zenez 20:8

Alor, Abimelek ti leve granmaten, apel tou son bann serviter e rakont zot tou sa ki'n pase. Bann zonm ti ganny en gro lafreyer.

Zenez 26:10

Abimelek ti reponn, “Ki ou'n fer avek nou? Pa ti mank bokou pour enn parmi bann zonm dormi avek ou fanm e sa ti ava'n rann nou tou koupab.”

Zenez 29:25

Lannmen bomaten, Zakob ti sirprann pour war ki Lea ki ti avek li. I ti dir Laban, “Ki ou'n fer avek mwan la? Pa mon'n servi ou pour Rasel? Akoz alor, ou'n tronp mwan?”

Zenez 34:7

Bann garson Zakob ti arive e zot ti tre ankoler, akoz Sikenm ti'n komet en aksyon degoutan dan Izrael, ler i ti dormi avek fiy Zakob. En tel keksoz pa devre zanmen ganny komet.

Zenez 38:24

Anviron trwa mwan plitar, Zida ti ganny dir, “Tamar ou belfiy, in vin en prostitye e i ansent.” Zida ti dir, “Anmenn li isi e i ava ganny brile.”

Zenez 39:9

Dan sa lakaz, i pa pli gran ki mwan. I'n konfye mwan tou eksepte ou, akoz ou son fanm. Ki mannyer eski mon pou kapab fer en keksoz osi mal e komet en pese kont Bondye?”

2 Samyel 12:5

Lakoler David ti monte kont sa zonm ris. I ti dir Natan, “Lo lavi SENYER, sa zonm ki'n fer sa i merit lanmor.

2 Samyel 13:12

I ti reponn, “Non, mon frer, pa fors mwan. Nou pa azir konmsa dan Izrael, pa fer en tel akt degoutan.

Egzod 32:21

Moiz ti dir Aaron, “Ki sa pep in fer ou, pour ki ou'n fer en tel gran pese tonm lo li?”

Egzod 32:35

SENYER ti anvoy en fleo lo lepep akoz zot ti'n fer sa pti toro, sa enn ki Aaron ti'n fer.

Proverb 28:10

Sa enn ki antrenn en dimoun drwat lo move semen, pour tonm dan trou ki i'n fouye. Me dimoun ki drwat pou ere.

Levitik 20:10

Si en zonm i komet adilter avek fanm son prosen, tou le de, sa zonm adilter ek sa fanm adilter, ava ganny touye.

Romen 2:11

akoz Bondye pa fer preferans pour personn.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

Ebre 13:4

Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.

Zozye 7:25

Zozye ti dir, “Akoz ou'n anmenn maler lo nou? La ozordi, SENYER in anmenn maler lo ou!” Izrael antye ti saboul li. Lepep ti bril zot e saboul zot avek ros.