Zenez 20:7 - Labib An Kreol Seselwa

⁷ Aprezan, rann sa zonm son fanm, akoz i en profet. I ava priy pour ou e ou ava viv. Me si ou pa fer sa, ou pou mor, ou, avek tou ou fanmir.”

Zenez 20:7 ပူးပေါင်းရင်းမြစ်များ

Zenez 12:15

Kan bann sef dan lakour Faraon ti war li, zot ti felisit son labote avek Faraon. Alor, zot ti anmenn Sarai dan pale Faraon.

Zenez 12:17

Me SENYER ti anvoy en gro maler lo Faraon ek son fanmir akoz Sarai, fanm Abranm.

Zenez 2:17

me fodre pa ki ou manz fri sa pye ki donn konnesans lebyen ek lemal, akoz zour ki ou manz sa fri, ou pou mor.

Zenez 20:18

Annefe, SENYER ti'n fer tou bann fanm dan lakour Abimelek steril akoz Sara, fanm Abrahanm.

Zenez 20:3

Pandan lannwit, Bondye ti aparet avek Abimelek dan en rev. I ti dir li, “Ou pou mor akoz sa fanm ki ou'n pran, i en fanm marye.”

Zenez 20:8

Alor, Abimelek ti leve granmaten, apel tou son bann serviter e rakont zot tou sa ki'n pase. Bann zonm ti ganny en gro lafreyer.

Zenez 23:6

“Ekout nou mon senyer! Ou en gran sef parmi nou. Anter lekor ou fanm dan enn nou meyer kavo ki ou kontan. Personn parmi nou pa pou refiz ou en latonm pour ou anter ou fanm.”

2 Samyel 24:17

Ler i ti war mesaze pe detri lepep, David ti dir SENYER, “Mwan ki'n fer pese! Mwan ki'n komet sa fot. Me sa troupo ki i'n fer? Mon demann ou pini mwan ek mon fanmir.”

1 Rwa 13:6

Lerwa ti dir sa profet Bondye, “Sipliy SENYER ou Bondye pour ki mon lanmen i geri.” Sa profet Bondye ti priy SENYER, e lanmen lerwa ti geri e i ti retourn parey avan.

2 Rwa 5:11

Naaman ti ankoler. I ti ale e dir dan li menm: Mon ti pe espere ki i ti pou sorti e vin devan mwan; ki i ti ava envok non SENYER son Bondye, e poz lanmen lo landrwa malad e geri mon lalep.

1 Kronik 16:22

Pa tous bann ki mon'n konsakre, e pa fer ditor mon bann profet!

2 Kronik 30:18

Bokou parmi lepep ki ti sorti dan teritwar Efraim, Manase, Isakar ek Zabilon pa ti'n pirifye zot. Me zot ti kantmenm manz repa Pak, kontrerman avek regleman. Alor, Ezekyas ti priy pour zot: SENYER, dan ou bonte, pardonn zot tou,

Liv Zob 34:19

Bondye pa fer lapreferans pour bann sef; i pa montre lapreferans ant ris ek pov parey, akoz zot tou le de, zot ti ganny kre par li.

Liv Zob 42:8

Aprezan, pran set toro ek set bouk e al kot mon serviter Zob e ofer en sakrifis konplet pour zot menm. Mon serviter Zob ava priy pour zot e mon ava ekout son lapriyer. Konmsa, mon pa pou tret zot parey zot merite. Akoz zot pa'n koz laverite lo mwan, parey mon serviter Zob in fer.

Psonm 25:14

SENYER i konfye son bann sekre avek sa enn ki obei li. I ava fer li konn son lalyans.

Egzod 18:17

Boper Moiz ti dir li, “Ou fason fer, pa bon.

Egzod 4:16

Aaron pou koz avek lepep dan ou plas. I ava ou portparol. Mon pou montre ou sa ki ou devre fer. I ava koz avek lepep dan ou plas; i ava ou labous e ou ava son bondye

Egzod 7:1

SENYER ti dir Moiz, “Gete! La mon fer ou vin en bondye pour Faraon. Aaron ou frer, ava ou profet.

Zeremi 14:11

SENYER ti dir mwan, “Pa demann mwan fer nanryen pour ed sa pep.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 27:18

Si zot vreman profet, si zot vreman anons en parol sorti kot SENYER, alor, plito priy SENYER liniver pour ki bann lobze ki'n reste dan tanp SENYER, dan pale lerwa Zida e dan Zerizalenm, pa ganny anmennen Babilonn.

Ezekyel 3:18

Kan mon dir avek en malfeter: Ou pou mor, ou devre anons li e averti li pour ki i sanz son kondwit e viv. Si ou pa fer li, i pou mor, byensir akoz son fot; me ou, mon pou demann ou rann kont son lanmor.

Ezekyel 33:8

Si mon dir en malfeter ki i pou mor e ou pa averti li, si ou pa demann li sanz son lavi, sa zonm pou mor akoz son fot. Me ou, mon pou rann ou responsab son lanmor.

Levitik 6:4

Sa dimoun ki'n fer sa pese i koupab. I devre rann sa lobze ki i'n vole, oubyen ki i'n gannyen par frod, oubyen ki ti'n ganny konfye avek li, oubyen en lobze perdi ki i'n trouve;

Levitik 6:7

Pret ava fer rityel pardon pour li devan SENYER, e i ava ganny pardonnen pour nenport pese ki i'n fer e ki'n rann li koupab.

Akt de Zapot 8:24

Simon ti reponn, “Ou menm, priy Senyer pour mwan pour ki okenn sa bann keksoz ki ou'n dir pa ariv mwan.”

1 Korentyen 14:4

Sa enn ki koz dan lalang enkoni, i fer progrese son prop lekor, tandis ki sa enn ki profetize i fer Legliz progrese.

Ebre 1:1

Dan lepase, Bondye in koz avek nou bann zanset dan plizyer diferan mannyer, atraver bann profet.

Ebre 13:4

Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.

1 Zan 5:16

Si en dimoun i war son frer pe komet en pese ki pa anmenn lanmor, fodre ki i priye, e Bondye ava donn li lavi. Mon pe koz lo bann pese ki pa anmenn lanmor. I annan pese ki anmenn lanmor; pa pour en tel pese ki mon pe dir zot priye.

1 Samyel 12:19

Lepep antye ti dir Samyel, “Priy SENYER ou Bondye pour nou, ou bann serviter, pour ki nou pa mor, akoz, avek tou nou pese, nou'n azout sa enn, an demandan en lerwa.”

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.

1 Samyel 7:5

Apre, Samyel ti dir, “Rasanble pep Izrael antye Mispa, e mon ava priy SENYER pour zot.”

1 Samyel 7:8

Pep Izrael ti dir Samyel, “Kontinyen priy SENYER, nou Bondye pour nou, pour ki i sov nou dan lanmen bann Filisten.”