Zenez 2:8 - Labib An Kreol Seselwa

⁸ Apre, SENYER Bondye ti plant en zarden dan Edenn, dan kote Les, e la, i ti plas sa zonm ki i ti'n formen.

Zenez 2:8 ပူးပေါင်းရင်းမြစ်များ

Zenez 13:10

Lot ti lev lizye, e i ti war vale Zourden kot ti annan bokou delo. Avan ki SENYER ti detri Sodonm ek Gomor sa landrwa ziska ver Soar, ti parey zarden SENYER, parey Lezip.

Zenez 3:23

SENYER Bondye ti sas zonm dan Zarden Edenn pour ki i al kiltiv later kot in ganny tire.

Zenez 3:24

Apre ki i ti'n sas zonm, SENYER Bondye ti plas bann seriben dan lantre zarden Edenn avek en lepe laflanm ki ti dous dan tou kote, pour zot gard lakse ki al kot sa pye dibwa ki donn lavi.

Zenez 4:16

Alor, Kaen ti sorti dan prezans SENYER. I ti al reste Nod, dan kote Les avek Edenn.

2 Rwa 19:12

Eski bann bondye bann nasyon in delivre zot, sa bann nasyon ki lezot lerwa in detri: Gozann, Harann, Resef ek pep Edenn, ki ti dan Telasar?

Ezai 51:3

SENYER pou konsol Siyon. I pou pran pitye pour bann landrwa devaste. I pou fer bann dezer vin parey zarden Edenn, parey zarden SENYER. I pou reganny lazwa ek kontantman; avek bann kantik louanz ek psonm.

Ezekyel 27:23

Lavil Harann, Kane ek Edenn, parey komersan Saba, Asour ek Kilmad, zot osi, zot ti fer komers avek ou.

Ezekyel 28:13

Ou ti reste dan Edenn, zarden Bondye. Ou ti kouver avek tou kalite pyer presyez: Ribi, topaz ek dyanman, krizolit, beril ek oniks, safir, grena ek emerod. Tou ou bann bizou ek ornman ti annor prepare depi sa zour ki ou ti ganny kree.

Ezekyel 31:16

Mon'n fer tranble tou bann nasyon avek tapaz sa pye dibwa ler in tonbe, kan mon'n fer li desann dan lemonn lanmor, avek bann ki desann dan latonm. Tou bann pli zoli pye dibwa dan Edenn, bann ki ti pli byen aroze dan Liban, in selebre dan lemonn lanmor.

Ezekyel 31:18

Dan Edenn, napa pye dibwa ki ti konparab avek ou labote ek ou grander. Pourtan, ou osi, ou'n desann avek zot dan lemonn lanmor. Ou pou dormi ansanm avek bann ki pa'n sirkonsi, avek bann ki'n ganny masakre. La sor Faraon, lerwa Lezip ek tou son pep. Senyer BONDYE ki deklare.

Zoel 2:3

Par devan, konmsi en dife ki devor tou. Par deryer, laflanm i detri tou. Oparavan, later ti parey zarden Edenn, me in vin sek, parey en dezer. Napa nanryen ki sap li.