Zenez 2:25 - Labib An Kreol Seselwa

²⁵ Sa zonm ek sa fanm ti touni, san ki zot ti onte.

Zenez 2:25 ပူးပေါင်းရင်းမြစ်များ

Zenez 3:7

Zot lizye ti ouver, e zot ti remarke ki zot ti touni. Zot ti koud fey fig ansanm pour kouver zot.

Psonm 25:3

Pa les sa ki'n met zot konfyans dan ou ganny tronpe. Me fer onte sa enn ki trai ou san rezon.

Psonm 31:17

SENYER! Pa les mwan ganny dezapwente, akoz mon'n kriy ver ou; me imilye mon bann lennmi. Fer bann malfeter desann an silans dan lemonn lanmor.

Egzod 32:25

Kan Moiz ti realize ki Aaron ti'n les lepep fer sa ki zot ti anvi e ekspoz zot avek zot lennmi,

Ezai 44:9

Bann fabrikan zidol pa vo nanryen e zot pli zoli travay pa servi dan nanryen. Sa bann stati i zot temwen. Zot bann temwen ki pa war nanryen, ki pa konn nanryen, ki pe kouver zot avek laont.

Ezai 47:3

Dimoun ava war ou touni e zot ava war sa ki fer ou laont. Mon pou revanze e mon pa pou eparny personn.

Ezai 54:4

Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Ezekyel 16:61

Ou ava rapel tou sa ki ou'n fer e ou ava onte kan ou ava resevwar ou gran ser ek ou pti ser; mon pou fer zot vin ou bann fiy. Me sa napa okenn rapor ant mon lalyans ek ou.

Zoel 2:26

Zot pou manze ziska zot ava rasazye; zot ava loue SENYER, zot Bondye ki'n fer bann mervey pour zot. Mon pep pa pou zanmen ganny laont ankor.

Mark 8:38

Annefe, sa enn ki onte akoz mwan ek mon bann parol parmi sa zenerasyon adilter, ranpli avek pese, Fis-de-Lonm osi pou onte pour li, kan i pou vini dan mazeste son Papa avek bann lanz sen.”

Levanzil dapre Lik 9:26

Annefe, sa enn ki onte akoz mwan ek mon parol, Fis-de-Lonm osi pou onte kont li, kan i pou vini dan son mazeste e dan laglwar son Papa ek son bann lanz sen.

Romen 10:11

Annefe, Lekritir i deklare: Sa enn ki krwar dan li, pa pou dezapwente.