Zenez 2:18 - Labib An Kreol Seselwa

¹⁸ SENYER Bondye ti dir: I pa bon pour zonm reste tousel. Mon pou fer en led ki pou byen dakor avek li koman son konpannyon.

Zenez 2:18 ပူးပေါင်းရင်းမြစ်များ

Zenez 1:31

Bondye ti regard tou sa ki i ti'n fer; tou ti tre bon. Aswar ti fer, lizour ti arive. Sa ti sizyenm zour.

Zenez 2:20

Zonm ti donn non tou bann zannimo domestik, bann zannimo sovaz ek bann zwazo. Me i pa ti trouv en led ki ti dakor avek li pour son konpanny.

Zenez 3:12

Sa zonm ti reponn, “Sa fanm ki ou'n donn mwan koman konpanny, ki'n donn mwan sa fri e mon'n manze.”

Proverb 18:22

Sa enn ki'n trouv en fanm in trouv boner; sa i en faver sorti kot SENYER.

1 Korentyen 7:36

Si en zennonm i krwar ki i pe fer ditor son fiyanse si i pa marye avek li; si son dezir i tro for, e i krwar ki zot devret marye, alor, zot devre marye parey i oule. I pa komet okenn pese.

1 Pyer 3:7

Zot osi bann mari! Dan lakour, viv dan larmoni sakenn avek son fanm. Tenir kont zot natir ki pli frazil. Tret zot avek respe, akoz zot osi, zot pou resevwar ansanm avek zot, sa kado vre lavi ki sorti kot Bondye. Si zot azir konmsa, zot lapriyer pa pou rankontre okenn lobstak.

Rit 3:1

En lot zour, Naomi ti dir avek Rit, “Mon fiy, mon bezwen fer en parman rod en lavenir pour ou, pour ki ou ava kapab viv ere.