Zenez 2:17 - Labib An Kreol Seselwa

¹⁷ me fodre pa ki ou manz fri sa pye ki donn konnesans lebyen ek lemal, akoz zour ki ou manz sa fri, ou pou mor.

Zenez 2:17 ပူးပေါင်းရင်းမြစ်များ

Zenez 2:9

SENYER Bondye ti fer pouse tou kalite zoli pye dibwa; zot fri ti bon pour manze. Dan milye zarden, i ti plas pye dibwa ki donn lavi e pye dibwa ki donn konnesans lebyen ek lemal.

Zenez 20:7

Aprezan, rann sa zonm son fanm, akoz i en profet. I ava priy pour ou e ou ava viv. Me si ou pa fer sa, ou pou mor, ou, avek tou ou fanmir.”

Zenez 3:11

SENYER Bondye ti demande, “Lekel ki'n dir ki ou touni? Eski ou'n manz sa fri pye dibwa ki mon ti defann zot manze?”

Zenez 3:17

Avek Adan i ti dir, “Akoz ou'n ekout ou fanm, ou'n manz fri sa pye dibwa ki mon ti defann ou manze, later pou ganny modi, akoz ou. Ou pou bezwen trimouse tou le zour ou lavi antye pour ou fer li prodwir manze.

Zenez 3:19

Ou pou bezwen trimouse pour ganny ou nouritir ziska ki ou retourn dan lapousyer, kot ou sorti. Annefe, ou'n ganny tire dan lapousyer, ou pou retourn dan lapousyer.”

1 Rwa 2:37

Mon fer ou konnen ki zour ou sorti e travers larivyer Sedron, ou en dimoun mor e ou ava responsab ou prop lanmor.”

1 Rwa 2:42

i ti fer apel Simei. I ti dir li, “Mon ti fer ou promet devan SENYER ki ou pa pou kit lavil. Mon ti dir ou, ki zour ou sorti pour al okenn par ou pou mor. Ou ti reponn: Tre byen! Mon dakor pour obei sa ki ou'n dir?

Zeremi 26:8

Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Ezekyel 18:13

i pret son larzan avek lentere e fer profi; eski i pou viv? I pa pou viv. In komet tou sa bann pratik degoutan. Alor, i pou sertennman mor e i ava li menm responsab son lanmor.

Ezekyel 18:32

Vreman! Mon pa anvi war lanmor personn. Abandonn sa ki mal e ou ava viv. Senyer BONDYE ki deklare.

Ezekyel 18:4

Annefe, lavi sak dimoun i pour mwan; lavi bann paran koman lavi bann zanfan. Sa enn ki'n fer pese, se li menm ki pou mor.

Ezekyel 33:14

Si mon dir en malfeter ki sirman i pou mor e sa dimoun i kit son move lavi, konmans abandonn son pese e viv dapre lalwa pour fer sa ki byen,

Ezekyel 33:8

Si mon dir en malfeter ki i pou mor e ou pa averti li, si ou pa demann li sanz son lavi, sa zonm pou mor akoz son fot. Me ou, mon pou rann ou responsab son lanmor.

Nonm 26:65

SENYER ti'n dir ki zot tou, zot pou mor dan dezer, eksepte Kaleb garson Zefoune ek Zozye, garson Noun.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

Romen 6:16

Zot konn tre byen: Si zot met zot anba servis en dimoun pour obeir li, zot vin lesklav sa met ki zot obeir. E sa met i swa pese ki anmenn lanmor, swa lobeisans ki anmenn lazistis.

Romen 6:23

Annefe, lapey pour pese i lanmor, me don gratwi ki Bondye i donnen, i lavi eternel dan linyon avek Zezi-Kri, nou Senyer.

Romen 8:2

Annefe, Lalwa Lespri ki donn lavi par Zezi-Kri, in rann mwan lib anver lalwa pese ek lanmor.

1 Korentyen 15:22

Parey tou dimoun i mor dan Adan, tou pou reganny lavi dan Kris.

1 Korentyen 15:56

Dart lanmor, se pese; pwisans pese, se lalwa.

Galat 3:10

Me tou dimoun ki kont lo lobeisans Lalwa, zot anba malediksyon. Annefe, Lekritir i deklare: Modi sa enn ki pa gard tou sa ki'n ekri dan sa liv Lalwa, e pa met li an pratik.

Efezyen 5:14

Annefe, tou sa ki'n ganny klerman revele i vin lalimyer. Pour sa rezon nou dir: Ou ki pe dormi! Reveye! Leve parmi bann mor! Kris ava ekler ou.

Deterononm 27:26

Malediksyon lo sa enn ki pa gard bann parol sa lalwa i ki pa met zot an pratik. Lepep ava dir: Amenn!

Deterononm 30:15

Gete! Ozordi, mon met devan ou lavi ek boner, lanmor ek maler.

Deterononm 30:19

Ozordi, mon pran lesyel ek later koman temwen kont ou: La mon met devan ou lavi ek lanmor, benediksyon ek malediksyon. Swazir lavi, pour ki ou viv, ou, avek ou bann desandan.

Kolosyen 2:13

Otrefwa, zot ti spirityelman mor akoz zot pese, e par zot ensirkonsizyon. Me aprezan, Bondye in redonn nou lavi avek Kris. I'n pardonn nou tou nou pese.

1 Timote 5:6

Me en vev ki viv dan plezir in deza mor malgre ki i vivan.

Let Zak 1:15

Alor, en fwa ki move dezir in ganny formen, i donn nesans pese, e kan pese in devlope, i anmenn lanmor.

1 Zan 5:16

Si en dimoun i war son frer pe komet en pese ki pa anmenn lanmor, fodre ki i priye, e Bondye ava donn li lavi. Mon pe koz lo bann pese ki pa anmenn lanmor. I annan pese ki anmenn lanmor; pa pour en tel pese ki mon pe dir zot priye.

Revelasyon 2:11

Sa enn ki annan zorey! Ekout sa ki Lespri i dir avek bann Legliz. Sa enn ki ranport laviktwar, pa pou konn en dezyenm lanmor.

Revelasyon 20:14

Answit, lanmor ek lemonn lanmor ti ganny zete dan lak dife. Sa lak dife ti dezyenm lanmor.

Revelasyon 20:6

Byennere e sen, tou bann ki partisip dan sa premye rezireksyon. Dezyenm lanmor pou napa okenn pouvwar lo zot. Zot pou vin pret pour Bondye e pour Kris. Zot pou renny avek li pandan 1,000 an.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Ziz 3:2

sa ti zis pou ki bann zenerasyon Izraelit i konnen e aprann kisisa lager, omwen pour sa bann ki pa ti'n ankor fer sa leksperyans:

1 Samyel 14:39

Par lavi SENYER, Sover Izrael, menm si sa i lafot mon garson Zonatan, i pou mor.” Me personn parmi lepep pa ti reponn.

1 Samyel 14:44

Sail ti dir, “Bondye ava pini mwan severman. Zonatan! Ou pou mor.”

1 Samyel 20:31

Akoz osi lontan ki garson Zese pou vivan lo later, ni ou, ni ou rwayonm pa pou an sekirite. Aprezan, anvoy rod li, e anmenn li kot mwan, akoz i merit lanmor.”

1 Samyel 22:16

Lerwa ti dir, “Ahimelek! Ou pou mor, ou, ek tou ou fanmir.”