Zenez 19:24 - Labib An Kreol Seselwa

²⁴ Alor, SENYER ti anvoy lo Sodonm ek Gomor en lapli dife ek souf ki ti sorti kot SENYER, dan lesyel.

Zenez 19:24 ပူးပေါင်းရင်းမြစ်များ

Zenez 13:10

Lot ti lev lizye, e i ti war vale Zourden kot ti annan bokou delo. Avan ki SENYER ti detri Sodonm ek Gomor sa landrwa ziska ver Soar, ti parey zarden SENYER, parey Lezip.

Zenez 13:12

Abranm ti reste dan pei Kanaan, tandis ki Lot ti al reste dan bann lavil dan laplenn. I ti mont son bann latant pre avek Sodonm.

Zenez 18:17

SENYER ti dir, “Eski mon pou kasyet avek Abrahanm sa ki mon pou fer,

Zenez 19:23

Soley ti pe leve kan Lot ti ariv Soar.

Liv Zob 1:16

I ti ankor pe koze, ler en lot mesaze ti arive. I ti dir, “Zekler sorti dan lesyel in tonm lo bann mouton e lo ou bann serviter e bril zot. Zis mwan ki'n sape pour vin anons ou sa nouvel.”

Liv Zob 18:15

Nenport ki i kapab reste dan sa latant; i nepli pour li; souf in ganny fannen lo son propriyete.

Psonm 11:6

I pou fer tonm en lapli labrez sarbon ek souf lo bann malfeter. I pou soufle en divan tanpet.

Egzod 9:23

Moiz ti lev son baton ver lesyel e SENYER ti anvoy loraz, lagrel ek dife lo later. SENYER ti fer en lapli lagrel tonbe lo Lezip.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Ezai 13:19

Babilonn! Sa pli zoli lavil dan rwayonm, lafyerte bann Babilonyen, pou vin parey Sodonm ek Gomor zour Bondye ti detri zot.

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Zeremi 20:16

I ava vin parey bann lavil ki SENYER ti detri san pitye. I ava antann plennyen bomaten e tronpet sonnen midi.

Zeremi 23:14

Me mon'n war bann profet dan Zerizalenm fer keksoz degoutan: Zot komet adilter e zot viv dan mansonz. Zot ankouraz dimoun kontinyen fer sa ki mal, e personn pa sanz son mannyer fer. Pour mwan, zot osi move ki bann zabitan Sodonm ek Gomor.

Zeremi 49:18

Sa katastrof pou parey Sodonm ek Gomor kan zot ti ganny detri avek bann lavil vwazen, SENYER i deklare. Personn pa pour vin reste la, personn pa pour vin etabli li dan sa landrwa.

Zeremi 50:40

Sa ki pour ariv lo Babilonn, pour parey katastrof ki mon ti anvoy lo Sodonm ek Gomor, kan mon ti detri sa de lavil avek tou bann lavil dan zalantour, SENYER i deklare. Alor, personn pa pou vin reste isi, personn pa pou pas isi.

Lamantasyon 4:6

Pese mon pep i pli grav ki pese Sodonm ki ti ganny kraze en sel kou; personn pa ti annan letan pour sov li.

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Amos 4:11

Mon'n detri serten parmi zot, parey mon ti detri Sodonm ek Gomor. Bann ki'n sape, ti parey en tizon ki'n ganny tire dan dife. Malgre sa, zot pa'n retourn ver mwan. SENYER ki'n deklare.

Sofoni 2:9

Alor, la sa ki SENYER liniver, Bondye Izrael, i deklare: Osi vre ki mon vivan, Moab pou vin parey Sodonm; bann Amonit parey lavil Gomor. Sa pei pou vin en landrwa kouver avek move zerb, bann basen disel, en pei detri pour touzour. Leres sirvivan parmi mon pep pou depouy li. Restan mon pep pou pran posesyon zot patrimwann.

Levanzil dapre Lik 10:12

Mon dir zot ki zour zizman, Bondye pou mwen sever anver Sodonm, ki anver sa lavil.”

Deterononm 28:24

Olye lapli lo ou later, SENYER pou fer tonm lapousyer. Zis lapousyer ki pou tonm lo ou depi lesyel, ziska ki ou ava ganny detri.

Deterononm 29:22

Bann zenerasyon fitir, zot bann zanfan ki ava vin apre zot, ek etranze ki sorti dan en pei lwen, kan zot ava war fleo dan sa pei ek bann maladi ki SENYER in tap li avek, zot ava dir:

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.

2 Pyer 2:6

Bondye ti pas kondannasyon e detri lavil Sodonm ek Gomor ki i ti fer zot vin lasann. Sa ti en leson pour bann move dimoun dan lavenir.

Let Zid 1:7

Rapel zot osi, sa ki ti arive avek Sodonm, Gomor ek bann lavil dan zalantour. Zot bann zabitan ti fer parey: Zot ti livre zot lekor dan bann akt seksyel imoral, ek bann akt kont natir. Zot ti ganny pinisyon dife eternel. Sa i en lavertisman serye pour tou dimoun.

Revelasyon 14:10

li osi, i pou bwar diven lakoler Bondye ki'n ganny verse san melanz, dan lakoup son lakoler. I pou ganny tourmante dan dife ek souf, devan bann lanz sen e devan Zenn Mouton.