Zenez 19:17 - Labib An Kreol Seselwa

¹⁷ Letan sa de zonm ti pe anmenn Lot ek son fanmir an deor lavil, sa de zonm ti dir, “Sov zot lavi! Pa vir deryer, pa arete dan laplenn. Sov dan montanny, sankwa zot pou mor.”

Zenez 19:17 ပူးပေါင်းရင်းမြစ်များ

Zenez 13:10

Lot ti lev lizye, e i ti war vale Zourden kot ti annan bokou delo. Avan ki SENYER ti detri Sodonm ek Gomor sa landrwa ziska ver Soar, ti parey zarden SENYER, parey Lezip.

Zenez 14:10

Ti annan en kantite pwi goudron dan vale Sidim e kan bann lerwa Sodonm ek Gomor ti pe sove, zot ti tonm dan sa bann pwi. Bann sirvivan ti sov dan montanny.

Zenez 18:22

Sa bann zonm ti al dan direksyon Sodonm; me Abrahanm ti reste debout devan SENYER.

Zenez 19:18

Lot ti reponn zot, “Non, mon SENYER, sa pa posib.

Zenez 19:22

Degaze, ale, akoz mon pa pou kapab fer nanryen ziska ki ou ariv laba.” Pour sa rezon, sa lavil ti apel Soar, savedir ptipti.

Zenez 19:26

Me fanm Lot ti get deryer e i ti vin en stati disel.

Zenez 19:30

Apre, Lot ti kit Soar e mont dan montanny pour etabli li avek son de fiy, akoz i ti per pour reste Soar. Alor, i ti al reste dan en kavern avek son de fiy.

1 Rwa 1:12

Mon ava donn ou en konsey pour ki ou sov ou lavi ek lavi ou garson Salomon.

1 Rwa 19:3

Eli ti per. I ti taye pour sov son lavi. I ti ariv Berseba, en lavil Zida, kot i ti kit son serviter.

Psonm 121:1

Mon lev mon lizye ver bann montanny. Kote mon sekour pou sorti?

Zeremi 48:6

Depese! Sov zot lavi! Taye, parey en bourik sovaz dan dezer!

Nonm 16:26

I ti dir avek kominote: Elwanny zot lwen avek latant sa bann move zonm. Pa tous nanryen ki pour zot, pangar zot osi, zot mor ansanm avek zot, akoz zot pese.

Matye 3:7

Zan ti war ki en kantite Farizyen ek Sadiseen ti vin kot li pour zot ganny batize. Alor, i ti dir zot, “Ras viper ki zot ete! Lekel ki'n aprann zot esey sap zizman Bondye ki pros?

Levanzil dapre Lik 12:23

Annefe, lavi i pli enportan ki manze, e lekor i pli enportan ki lenz.

Levanzil dapre Lik 9:62

Zezi ti dir li, “Sa enn ki konmans travay e apre i get deryer li, i pa bon pour Rwayonm Bondye.”

Ebre 2:3

Alor, koman nou, nou pou kapab sap pinisyon si nou negliz en tel gran delivrans? Sa delivrans, Senyer li menm ti anonse an premye; apre, bann ki ti tande ti konfirm li avek nou.

1 Samyel 19:11

Sail ti anvoy bann zonm kot David pour veye e touy li son lannmen bomaten. Me Mikal, fanm David, ti dir li, “Si ou pa sove aswar menm, demen ou pou en zonm mor.”