Zenez 18:32 - Labib An Kreol Seselwa

³² Abrahanm ti dir, “Mon sipliy ou SENYER, pa ankoler, si mon koz ankor en dernyen fwa. Sipoze i annan 10 zis?” SENYER ti dir, “Akoz sa 10 zis, mon pa pou detri lavil.”

Zenez 18:32 ပူးပေါင်းရင်းမြစ်များ

Zenez 18:30

Abrahanm ti dir, “Mon sipliy ou SENYER, pa ankoler si mon koz ankor. Sipoze i annan 30.” SENYER ti dir, “Mon pa pou detri li, si mon trouv 30.”

Zenez 18:31

Abrahanm ti dir, “Eskiz mwan pour oze koz avek ou SENYER. Sipoze i annan 20 zis.” SENYER ti dir, “Akoz sa 20, mon pa pou detri lavil.”

Zenez 44:18

Zida ti apros kot Zozef. I ti dir li: Mon senyer, silvouple, les ou serviter dir ou en parol; pa ankoler avek ou serviter, ou osi enportan ki Faraon.

Liv Zob 33:23

Me zis enn parmi sa bann milye lanz Bondye, i ase pour remet li lo bon semen.

Psonm 86:5

SENYER! Ou bon e ou pare pour pardonnen. Ou fidelite i gran pour dimoun ki kriy ver ou.

Egzod 32:14

Alor, SENYER pa ti fer dimal ki i ti'n dir i pou fer son pep.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Ezai 65:8

La sa ki SENYER i deklare: Ler i annan en grap rezen ki ranpli avek zi, dimoun i dir: Pa bezwen detri li akoz sa i siny benediksyon. Mwan osi, pour lanmour mon serviter, mon pou fer parey; mon pa pou detri zot.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Matye 7:7

Demande, zot ava gannyen. Rode, zot ava trouve. Tape, laport ava ouver.

Efezyen 3:20

Anver sa enn ki annan pouvwar fer bokou plis ki sa ki nou demande, oubyen mazinen, par son pwisans ki azir dan nou,

Ziz 6:39

Zedeon ti dir Bondye, “Mon demann ou pa ankoler kont mwan; apre sa, mon pa pou koz ankor. Mon anvi fer en lot leksperyans avek sa lalenn: Mon oule ki i reste sek, me ki i ava annan laroze, toultour.”