Zenez 18:25 - Labib An Kreol Seselwa

²⁵ Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

Zenez 18:25 ပူးပေါင်းရင်းမြစ်များ

Zenez 18:24

Sipoze, i annan 50 inosan dan lavil; eski ou pou vreman detri lavil san pardonn li akoz sa 50 zis?

1 Kronik 16:33

Alor, bann pye dibwa lafore ava sante avek lazwa devan SENYER, Akoz i pe vini pour ziz later.

2 Kronik 19:7

Mon swete ki zot annan gran respe pour SENYER. Azir byen dan tou sirkonstans, akoz dan SENYER nou Bondye, napa ni lenzistis, ni preferans, ni koripsyon.”

Nehemi 9:33

Ou'n azir dapre lazistis dan tou sa ki'n ariv nou; ou'n azir fidelman anver nou, tandis ki nou, nou'n mal azir.

Liv Zob 34:10

Alor, zot bann zonm rezonnab, ekout mwan. I pa kestyon ki Bondye i komet lemal. I pa posib ki Bondye liniver i fer sa ki mal.

Liv Zob 34:12

Laverite, se ki Bondye pa azir par mesanste, e zizman Bondye liniver i touzour drwat.

Liv Zob 8:20

Bondye pa rezet en zonm drwat; i pa toler bann malfeter non pli!

Liv Zob 8:3

Eski Bondye i fos lalwa? Eski Bondye liniver pou al kont lazistis?

Psonm 50:6

Lesyel i proklanmen ki Bondye i zis. Bondye i sel ziz!

Psonm 58:11

Dimoun ava dir: Vreman! I annan en rekonpans pour bann dimoun ki zis. Vreman! I annan en Bondye ki ziz later!

Psonm 7:12

Lennmi i rekonmanse, i fit son lepe. I redi son lark e met li pare.

Psonm 75:3

Later i kapab tranble avek tou son bann zabitan, me mon gard son fondasyon ferm.

Psonm 94:2

Ou ki ziz later! Leve. Pini bann orgeye dapre sa ki zot merite.

Psonm 98:9

dan SENYER ki pe vini pour ziz lemonn. I pou ziz later avek lazistis, san fer okenn preferans parmi bann pep.

Eklezyas 3:17

Mon dir dan mwan menm: Bondye pou ziz bann ki azir byen e bann ki azir mal. I annan en letan pour tou keksoz e i pou ziz tou nou bann aksyon.

Eklezyas 7:15

Mon'n war bokou keksoz dan mon kourt lavi: En zonm ki drwat, i disparet akoz son bon konportman, tandis ki en malfeter i kontinyen viv dan son mesanste.

Zeremi 11:20

Alor mon ti priye: SENYER liniver! Ou ziz dimoun avek lazistis. Ou ki egzamin sekre konsyans ek leker tou dimoun. Mon'n met mon ka dan ou lanmen. Mon pou war ou fer revanz lo zot.

Zeremi 12:1

SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?

Ezekyel 18:25

Pourtan zot dir: Sa ki SENYER i fer pa zis. Ekoute pep Izrael! Eski mwan ki pa zis oubyen plito zot ki mal azir?

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.

Nonm 16:22

Moiz ek Aaron ti tonm ater la fas ater. Zot ti dir, “Mon Bondye! Ou sa Bondye ki donn lavi tou kreatir! Akoz pour pese en sel dimoun, ou met ou ankoler anver kominote antye?”

2 Korentyen 5:10

Annefe, nou tou nou devre prezant nou devan tribinal Kris, e sakenn ava resevwar sa ki i merite, pour sa ki i'n fer avek son lekor, swa an byen, swa an mal.

Deterononm 1:16

Alor, mon ti osi demann bann ziz: Ekout zot bann frer e ziz sakenn dapre lazistis, ki swa sitwayen oubyen rezidan etranze.

Deterononm 1:17

Zot pa devre fer preferans dan zot desizyon; ekout sa enn ki pti koman sa enn ki gran; pa per personn, akoz zizman i sorti kot Bondye. Bann ka ki tro difisil pour zot, anmenn kot mwan e mon ava ekoute.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Ebre 12:23

Zot, zot in vin dan lasanble bann garson premye ne ki'n ganny anrezistre dan lesyel. Zot in apros Bondye ki ziz tou dimoun, e avek lespri bann zonm zis, ki'n ariv ziska perfeksyon.

Ziz 11:27

Mwan, mon pa'n fer ou okenn ditor; ou ki'n mal azir anver mwan e ou'n vin atak mwan. SENYER ki Ziz. Ozordi, i ava vin ziz ant bann Izraelit ek bann Amonit.”