Zenez 18:21 - Labib An Kreol Seselwa

²¹ mon bezwen desann pour war si zot bann aksyon i parey bann lakizasyon ki mon'n tande lo zot; si zot in fer li oubyen non, mon pou konnen.”

Zenez 18:21 ပူးပေါင်းရင်းမြစ်များ

Zenez 11:5

SENYER ti desann pour war sa lavil ek sa tour ki bann imen ti'n konstri.

Zenez 11:7

Annou desann e brouy zot langaz pour zot pa konpran kanmarad.

Zenez 18:17

SENYER ti dir, “Eski mon pou kasyet avek Abrahanm sa ki mon pou fer,

Zenez 6:12

Bondye ti war ki later ti'n koronpi.

Liv Zob 34:22

Napa okenn kwen ki tro fernwanr kot malfeter i kapab kasyet.

Psonm 14:2

Lao dan lesyel, SENYER i get zabitan later pour li war si i annan dimoun ki konpran e ki vin rod Bondye.

Psonm 90:8

Ou'n met nou bann fot devan ou. Nou bann pese sekre i ganny devwale devan ou lalimyer.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Egzod 33:5

SENYER ti dir Moiz, “Dir pep Izrael ki zot en pep antete. Si pandan en sel moman, mon ti mont avek ou, mon ti pou detri ou. Aprezan, tir ou bann lenz lafet; apre mon ava gete koman mon pou tret ou.”

Zeremi 17:1

Pese Zida in ganny ekri avek lapwent an fer, ek en dyanman, lo tablet zot leker, lo bann korn dan kwen zot lotel.

Zeremi 17:10

Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Zonas 1:2

“Leve e al Niniv, sa gran lavil e anons en lavertisman kont li, akoz mon'n war tou sa bann move keksoz ki zot pe fer.”

Mise 1:3

SENYER pe sorti dan son demer. I desann e mars lo bann montanny.

Sofoni 1:12

Dan sa lepok, mon pou pran en lalanp; mon pou fouy dan Zerizalenm. Mon pou pran aksyon kont bann zonm ki viv trankilman e ki les lanmar poze parey dan en fon boutey. Zot dir: SENYER pa fer ni sa ki byen, ni sa ki mal.

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Levanzil dapre Zan 6:38

Mon'n sorti dan lesyel pour vin fer non pa mon prop volonte, me volonte sa enn ki'n anvoy mwan.

2 Korentyen 11:11

Eski mon dir sa akoz mon pa kontan zot? Bondye i konnen ki mon kontan zot.

Deterononm 13:3

ou pa pou ekout bann parol sa profet oubyen sa vizyoner. Annefe, SENYER, ou Bondye pe teste ou. I oule konnen si vreman ou kontan SENYER, ou Bondye avek tou ou leker e avek ou et antye.

Deterononm 8:2

Ou ava rapel sa long semen kot SENYER, ou Bondye in akonpanny ou pandan 40 an dan dezer, pour li imilye ou, teste ou; pour li konnen ki ou annan dan ou leker, si ou pou gard son bann komannman oubyen non.

1 Tesalonisyen 4:16

Annefe, kan sinyal pou ganny donnen avek lavwa en larkanz, e son tronpet Bondye, Senyer li menm pou desann sorti dan lesyel, e bann ki'n mor dan Kris pou resisite an premye.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

Zozye 22:22

“SENYER Bondye i pli gran ki tou bann bondye! Wi! SENYER Bondye i pli gran ki tou bann bondye! SENYER Bondye i konnen, e Izrael osi pou konnen. Si nou'n azir par rebelyon, oubyen pour komet en fot grave kont SENYER, pa les nou viv, ozordi!