Zenez 18:14 - Labib An Kreol Seselwa

¹⁴ Eski i annan keksoz ki enposib pour SENYER? Lannen prosenn, kan letan in bon, mon pou retournen, e Sara ava ganny en garson.”

Zenez 18:14 ပူးပေါင်းရင်းမြစ်များ

Zenez 17:16

Mon pou beni li, e mon pou osi donn ou en garson atraver li. Mon pou beni li, e i pou vin manman en bann nasyon. Bann lerwa bokou pep pou sorti parmi son desandans.”

Zenez 17:21

Me mon pou etabli mon lalyans avek Izaak, zanfan ki Sara pou donn nesans lannen prosenn, dan sa menm lepok.”

Zenez 18:10

Enn parmi bann viziter ti dir li, “Mon pou retourn kot ou, lannen prosenn. Ou fanm, Sara pou ganny en garson.” Sara ti pe ekoute devan lantre latant, deryer Abrahanm.

Zenez 18:13

Alor, SENYER ti dir Abrahanm, “Akoz Sara in riye, e akoz i'n dir: Eski mon pou vreman ganny zanfan, la ki mon'n vye?

Zenez 18:15

Me akoz i ti per, Sara ti koz manti. I ti dir, “Mon pa'n riye.” “Wi! Ou'n riye,” SENYER ti dir.

Zenez 21:1

Parey i ti'n promet, SENYER ti entervenir an faver Sara. I ti azir anver Sara dapre son parol.

Zenez 21:2

Sara ti vin ansent e i ti donn Abrahanm en garson dan son vyeyes, dan letan ki Bondye ti'n fikse, parey i ti'n dir li.

2 Rwa 4:16

Elize ti dir li, “Dan sa menm lepok, lannen prosenn, ou pou annan en pti baba dan ou lebra.” I ti reponn, “Non, mon senyer. Ou en zonm Bondye, pa anbet mwan, ou servant!”

Liv Zob 36:5

Bondye i pwisan, i pa mepriz personn; i pwisan par lafors son desizyon.

Liv Zob 42:2

Mon rekonnet ki ou konn tou keksoz; ou kapab fer tou sa ki ou deside.

Psonm 90:13

Retournen SENYER! Ziska kan? Pran pitye pour ou bann serviter.

Psonm 93:1

SENYER i lerwa, in anvlope dan mazeste; i antoure avek lafors.

Psonm 95:3

SENYER i en gran Bondye; i en gran Lerwa par lao tou bann bondye.

Ezai 50:2

Akoz ti napa personn ler mon ti vini? Akoz personn pa ti reponn ler mon ti apele? Eski mon lanmen i tro kourt pour li nepli kapab sove? Eski mon nepli annan lafors pour delivre ou? Mon parol i ase pour fer lanmer sek e bann larivyer vin en dezer; alor, zot pwason i pouri akoz napa delo e zot mor laswaf.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Zeremi 32:27

Mwan menm SENYER, Bondye tou dimoun. Napa nanryen ki tro difisil pour mwan.

Danyel 6:20

I ti aprose e avek en lavwa enkyet, i ti kriye, “Danyel, serviter Bondye vivan, eski ou Bondye ki ou servi avek perseverans in kapab delivre ou kont bann lyon?”

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Zakari 8:6

La sa ki SENYER liniver i deklare: Si i paret enposib pour restan lepep, dan sa lepok, eski i devret enposib osi pour mwan? SENYER liniver ki deklare.

Nonm 11:23

SENYER ti reponn Moiz, “Eski lebra SENYER i tro kourt? Mon pou fer ou war, si sa ki mon'n dir pou arive oubyen non.”

Matye 14:31

Deswit Zezi ti anvoy lanmen, atrap li. I ti dir li, “Ou napa bokou lafwa! Akoz ou'n doute?”

Matye 19:26

Zezi ti get zot. I ti dir, “Pour en zonm, sa i enposib; me pour Bondye tou i posib.”

Matye 3:9

Pa zis dir dan zot menm: Abrahanm i nou papa. Les mwan dir zot ki Bondye i kapab servi sa bann ros ki la, pour fer zot vin desandans Abrahanm.

Mark 10:27

Zezi ti get zot. I ti dir, “Pour zonm sa i enposib, me pa pour Bondye. Annefe, pour Bondye, tou i posib.”

Levanzil dapre Lik 1:13

Me lanz ti dir li, “Pa per Zakari, Bondye in egzos ou lapriyer. Ou fanm, Elizabet, pou ganny en garson, e ou ava apel li Zan.

Levanzil dapre Lik 1:18

Zakari ti demann lanz, “Ki mannyer mon pou konn sa? Annefe mon vye, e mon fanm osi i annan en laz byen avanse.”

Levanzil dapre Lik 1:37

Annefe, napa nanryen ki enposib pour Bondye.”

Levanzil dapre Lik 8:50

Me Zezi ti antann sa. I ti dir Zairis, “Pa per, zis krwar, e ou fiy ava geri.”

Romen 4:21

I ti sir ki Bondye i annan pouvwar pour akonpli son promes.

Efezyen 3:20

Anver sa enn ki annan pouvwar fer bokou plis ki sa ki nou demande, oubyen mazinen, par son pwisans ki azir dan nou,

Deterononm 30:3

alor, SENYER, ou Bondye ava retabli ou sityasyon. I ava annan konpasyon pour ou e rasanble ou ankor parmi tou bann pep kot SENYER, ou Bondye ti'n dispers ou.

Deterononm 7:21

Pa tranble devan zot, akoz SENYER, ou Bondye i avek ou; i en gran Bondye terib.

Filipyen 3:21

Par sa pwisans ki met tou keksoz anba son lotorite, i pou transform nou lekor feb pour fer li vin parey son lekor glorye.

Filipyen 4:13

Mon kapab fer fas avek tou difikilte gras a Kris ki donn mwan lafors.

Ebre 11:19

I ti mazinen dan li menm ki Bondye i menm annan sa pouvwar pour resisit en dimoun ki'n mor. Pour sa rezon, Abrahanm ti reganny son garson. Sa levennman i annan en valer senbolik.

Ziz 13:3

Mesaze SENYER ti aparet avek sa fanm. I ti dir li, “Ou ki steril e ki pa'n ganny zanfan, ou pou tonm ansent e ou pou ganny en garson.

1 Samyel 14:6

Zonatan ti dir son porter zarm, “Vini! Annou al lot kote dan kan bann Filisten, sa bann zonm ki pa'n sirkonsi. Petet SENYER ava ed nou. Annefe, menm si i annan en kantite nou, sa pa pou anpes SENYER donn son laviktwar.”