Zenez 17:8 - Labib An Kreol Seselwa

⁸ Mon pou donn ou ek ou desandans apre ou, sa pei ki ou pe okipe koman en etranze. Pei Kanaan antye pou vin zot posesyon pour touzour; e mon pou vin zot Bondye.”

Zenez 17:8 ပူးပေါင်းရင်းမြစ်များ

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Zenez 13:15

Mon pou donn ou avek ou desandans pour touzour, sa pei antye ki ou war devan ou.

Zenez 13:17

Ale, eksplor sa pei antye, akoz mon pe donn ou tousala.”

Zenez 23:4

I ti dir zot, “Mon pe viv isi parmi zot koman en etranze. Vann mwan en propriyete koman en landrwa pour anter mon fanm.”

Zenez 26:24

SENYER ti aparet avek li sa swar. I ti dir li, “Mwan menm Bondye ou papa, Abrahanm. Pa bezwen per, akoz mon avek ou. Mon pou beni ou e ogmant ou desandans, akoz mon serviter Abrahanm.”

Zenez 28:4

I ava akord ou ek ou desandans benediksyon ki i ti donn Abrahanm, pour ou pran posesyon pei kot ou reste, ki Bondye ti donn Abrahanm!”

Zenez 35:27

Zakob ti vin kot son papa, Izaak, Manmre, pre Kiryat-Arba, setadir Hebron, kot Abrahanm ek Izaak ti'n reste.

Zenez 36:7

Annefe, zot ti annan tro bokou byen pour zot reste ansanm. Sa rezyon kot zot ti pe reste, pa ti kapab nouri zot troupo.

Zenez 37:1

Zakob ti pe reste dan Kanaan, dan pei kot son papa ti'n reste koman en etranze.

Zenez 48:4

I ti dir mwan: Mon pou fer ou ganny zanfan e vin en gran pep e mon pou donn sa later ou bann desandans koman son posesyon pour touzour.”

2 Samyel 23:5

La konman Bondye in azir avek mon fanmir: In fer en lalyans avek mwan pour touzour, kot tou bann pwen in regle e byen garde. Partou e touzour in donn mwan laviktwar in realiz tou mon bann dezir.

1 Kronik 16:18

I ti dir: Mon pou donn ou pei Kanaan, koman en patrimwann.

Psonm 103:17

Me fidelite SENYER pour sa enn ki obei li i dire pour leternite e son lazistis i dire ziska plizyer zenerasyon

Psonm 105:11

I ti dir: Mon pou donn ou pei Kanaan, koman en patrimwann.

Psonm 105:9

lalyans ki i ti fer avek Abrahanm, son serman ki i ti fer avek Izaak;

Egzod 13:11

“Kan SENYER ava'n fer ou antre dan pei Kanaan, parey i ti promet ou ek ou bann zanset, e ki i ava'n donn ou,

Egzod 21:6

alor, son met ava anmenn li devan Bondye. I ava anmenn li kot montan laport e i ava pers son zorey avek en pwenson. Sa zonm ava vin son lesklav pour lavi.

Egzod 29:45

Mon pou reste parmi pep Izrael e mon pou vin zot Bondye.

Egzod 32:13

Mazin Abrahanm, Izaak ek Izrael, ou bann serviter avek ki ou menm, ou ti fer en serman: Mon pou ogmant zot desandans parey zetwal dan lesyel; mon pou donn zot sa pei ki mon'n promet zot desandans pour touzour.”

Egzod 40:15

Ou ava donn zot lonksyon parey ou ti fer anver zot papa; zot ava servi mwan koman pret. Sa lonksyon avek delwil ava fer zot pret pour touzour atraver tou bann zenerasyon.

Egzod 6:4

Mon ti osi etabli mon lalyans avek zot, pour donn zot pei Kanaan, sa pei kot zot ti viv koman etranze.

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Zeremi 25:5

I ti dir zot: Sanz zot mannyer viv e aret fer sa ki mal; konmsa, zot ava kontinyen viv dan sa pei ki SENYER in donn zot ek zot bann zanset depi touzour e pour touzour.

Zeremi 31:1

La sa ki SENYER i deklare: Sa zour pe vini, kan mon pou Bondye tou bann tribi Izrael, e zot ava vin mon pep.

Ezekyel 11:20

Konmsa, zot ava obei mon komannman e met an pratik mon bann regleman. Zot ava vin mon pep e mwan, mon ava zot Bondye.

Ezekyel 33:24

Ou ki en imen, ekoute: Bann zabitan dan bann landrwa devaste dan pei Izrael pe kontinyen dir: Abrahanm ki ti en zonm tousel, me i ti ganny posesyon sa pei. Tandis ki nou, nou nonbre, alor, se nou ki devre ganny posesyon sa pei.

Levitik 14:34

Kan zot ava'n antre dan pei Kanaan ki mon pou donn zot koman zot posesyon, e si mon met en tas mwazi dan en lakaz dan sa pei ki zot pou gannyen,

Levitik 16:34

Sa i ava en regleman pour touzour pour zot, konsernan rityel pardon pese pour tou pep Izrael ki ava ganny fer en fwa par an. Moiz ti fer tou sa ki SENYER ti'n ordonn li.

Levitik 26:12

Mon pou mars parmi zot; mon pou vin zot Bondye e zot ava vin mon pep.

Zakari 8:8

Mon pou fer zot retourn dan Zerizalenm. Zot pou vin mon pep e mon pou zot Bondye ki fidel e zis.

Nonm 10:29

Moiz ti dir Hobab, garson Reouel, son boper, ki ti en Madyanit, “Nou pe al dan sa later ki SENYER in promet pour donn nou. Vin avek nou e ou ava partisip dan boner ki SENYER in promet Izrael.”

Nonm 25:13

Sa lalyans ava pour li ek son desandans. Sa lalyans pou etabli zot pret pour touzour, akoz i'n montre en pasyon zalou pour son Bondye e i'n fer rekonsilyasyon pour Izrael ganny pardonnen.”

Nonm 27:12

SENYER ti dir Moiz, “Mont lo montanny Abarim e get later ki mon'n donn bann Izraelit.

Akt de Zapot 7:5

Bondye pa ti donn li okenn propriyete, pa menm en pti morso later pour met son lipye, me i ti promet pour donn li ek son desandans, sa pei. Kan Bondye ti fer sa promes, Abrahanm ti napa zanfan.

Deterononm 14:2

Ou en pep sen pour SENYER, ou Bondye. Ou ki SENYER in swazir parmi tou bann pep lo later pour vin son pep e son posesyon.

Deterononm 26:18

Ozordi, SENYER in fer ou promet pour ou vin son pep parey i ti dir ou; ou ava obzerv tou son bann komannman.

Deterononm 29:13

i etabli ou ozordi koman son pep e li menm i ava vin ou Bondye. Sa, i ti promet par en serman ki i ti fer avek ou bann zanset Abrahanm, Izaak ek Zakob.

Deterononm 32:49

Mont lo montanny Abarim, lo montanny Nebo ki dan pei Moab, anfas avek Zeriko, e get pei Kanaan ki mon pou donn bann Izraelit pour zot patrimwann.

Deterononm 32:8

Kan Bondye Treo ti donn bann nasyon zot patrimwann, kan i ti separ bann imen, i ti fikse teritwar bann pep; i ti plas sak pep anba lotorite en et seles.

Deterononm 34:4

SENYER ti dir li, “Sanmenm sa pei ki mon ti'n promet Abrahanm, Izaak ek Zakob ler mon ti dir zot: Mon pou donn ou desandans sa pei. Mon'n fer ou war sa pei avek ou prop lizye, me ou pa pou antre.”

Deterononm 4:37

SENYER ti kontan ou bann zanset. Pour sa rezon, ki i'n swazir zot bann desandan e par son prezans ek son pwisans, i ti fer zot sorti Lezip.

Deterononm 9:5

Ou pa pe al pran posesyon sa pei akoz ou zis, oubyen akoz ou leker i drwat, me akoz mesanste sa bann nasyon ki SENYER, ou Bondye pe al pran avek zot tou sa ki zot annan. Konmsa, promes ki SENYER ti fer avek ou bann zanset Abrahanm, Izaak ek Zakob, ava ganny akonpli.

Ebre 9:15

Pour sa rezon, Kris i medyater en nouvo lalyans, pour ki sa bann ki'n ganny apele, ava kapab resevwar leritaz eternel ki'n ganny promet. Par son lanmor, ras imen in ganny pardonnen zot fot ki zot ti komet kan zot ti anba premye lalyans. Alor, sa bann ki Bondye ti'n apele, ti kapab resevwar leritaz eternel ki ti'n ganny promet e ki ankor egziste.

Zozye 1:2

I ti dir li, “Mon serviter Moiz in mor. Aprezan, leve, travers larivyer Zourden, ou avek tou sa pep e antre dan sa pei ki mon pe donn bann Izraelit.

Revelasyon 21:7

Sa enn ki ranport laviktwar pou erit tousala. Mon pou vin son Bondye e li, i pou vin mon garson.