Zenez 17:17 - Labib An Kreol Seselwa

¹⁷ Abrahanm ti tonm lafas ater. I ti riye, e dir dan son leker: Eski en zonm 100 an i kapab fer zanfan? E Sara ki annan 90 an, eski i pou kapab ganny zanfan?

Zenez 17:17 ပူးပေါင်းရင်းမြစ်များ

Zenez 17:18

Alor, Abrahanm ti dir Bondye, “Mon swete ki Ismael ava viv dan ou prezans.”

Zenez 17:3

Abranm ti tonm lafas ater. Bondye ti koz avek li. I ti dir li,

Zenez 18:11

Tou le de, Abrahanm ek Sara ti vye, en bon laz; Sara ti'n aret ganny son reg.

Zenez 18:12

Alor, Sara ti riye dan li menm. I ti dir: Mon tro vye e ize; dayer, mon mari osi i vye, eski mon pou kapab ganny ankor plezir?

Zenez 21:5

Abrahanm ti annan 100 an kan son garson, Izaak, ti ne.

Zenez 21:6

Sara ti dir, “Bondye in fer mwan riye avek lazwa. Tou dimoun ki antann sa, pou riy avek mwan.”

Zenez 21:7

I ti azoute, “Lekel ki ti pou dir Abrahanm ki en zour Sara ti pou donn tete en zanfan? Pourtan i vre, mon'n donn li en garson dan son vyeyes.”

1 Kronik 21:16

David ti lev son lizye e war mesaze SENYER devan li, ant lesyel ek later; dan son lanmen ti annan en lepe leve dan direksyon Zerizalenm. Alor, David avek bann ansyen, ti abiy zot dan lenz dey e tonm lafas ater.

Liv Zob 1:20

Alor Zob ti leve. I ti desir son lenz e raz son latet. I ti tonm ater e prosternen.

Ezekyel 1:28

Sa lalimyer otour li ti parey en larkansyel dan nyaz apre en zour lapli. I ti reflekte laglwar SENYER. Kan mon ti war sa, mon ti tonm lafas ater e mon ti antann en lavwa.

Danyel 8:17

Alor, Gabriyel ti vin pre kot mon ti ete. Kan i ti arive, mon ti ganny en lafreyer, e mon ti tonm lafas ater. I ti dir mwan, “Ekoute, imen! Konpran ki sa vizyon i konsern letan lafen.”

Levitik 9:24

En dife ti sorti devan SENYER e devor sakrifis konplet ek lagres lo lotel. Pep Izrael antye ti war sa; zot ti kriye avek lazwa e tonm lafas ater.

Nonm 14:5

Moiz ek Aaron ti tonm lafas ater devan pep Izrael antye ki ti'n rasanble.

Nonm 16:22

Moiz ek Aaron ti tonm ater la fas ater. Zot ti dir, “Mon Bondye! Ou sa Bondye ki donn lavi tou kreatir! Akoz pour pese en sel dimoun, ou met ou ankoler anver kominote antye?”

Nonm 16:45

Elwanny zot avek sa pep e mon ava bril zot en sel kou. Moiz ek Aaron ti tonm la fas ater.

Matye 2:11

Zot ti antre dan lakaz; zot ti war sa zanfan avek son manman, Mari. Zot ti tonm azenou e ador li. Answit, zot ti ouver zot kof e ofer li bann kado: Lor, lansan ek lamir.

Levanzil dapre Lik 1:18

Zakari ti demann lanz, “Ki mannyer mon pou konn sa? Annefe mon vye, e mon fanm osi i annan en laz byen avanse.”

Levanzil dapre Zan 8:56

Zot papa Abrahanm ti war mon zour e i ti rezoui. I ti war, e sa ti fer li ere.”

Deterononm 9:18

Mon ti reste prosternen devan SENYER parey avan, pandan 40 zour ek 40 nwit san manze ni bwar, akoz zot bann pese. Zot ti'n komet sa ki mal devan SENYER e fer li ankoler.

Deterononm 9:25

Pandan sa 40 zour ek 40 nwit, mon ti reste prosternen devan SENYER, akoz SENYER ti oule detri zot.

Zozye 5:14

I ti reponn, “Mon sef larme SENYER; mon'n fek arive.” Zozye ti tonm lafas ater. I ti dir, “Mon senyer! Ki oule mon fer?”

Zozye 7:6

Alor, Zozye, ensi ki bann ansyen dan Izrael, ti desir zot lenz, tonm lafas ater devan Kof Lalyans SENYER, ziska aswar. Zot ti zet lapousyer lo zot latet.

Revelasyon 11:16

Sa 24 ansyen ki ti pe asize lo zot tronn devan Bondye ti tonm figir kont later e ador Bondye.

Revelasyon 5:8

Kan i ti pran sa liv, sa kat et vivan ek sa 24 ansyen ti prosternen devan sa Zenn Mouton. Sakenn ti annan en laarp ek bann lakoup annor ranpli avek lansan ki reprezant lapriyer bann krwayan.

Ziz 13:20

en laflanm ti sorti kot lotel e mont ver lesyel. Mesaze SENYER ti mont dan sa bann laflanm depi lotel. Ler zot ti war sa, Manoa ek son fanm ti tonm lafas ater.