Zenez 15:9 - Labib An Kreol Seselwa

⁹ SENYER ti dir li, “Anmenn en zenis 3 an, en femel kabri 3 an, en mouton mal 3 an, en tourtrel ek en zenn pizon.”

Zenez 15:9 ပူးပေါင်းရင်းမြစ်များ

Zenez 15:10

Abranm ti anmenn tou sa bann zannimo. I ti fann zot tou an de e plas sak morso vizavi lot; me i pa ti koup bann zwazo.

Zenez 15:8

Abranm ti dir, “Senyer BONDYE, ki mannyer mon pou konnen ki mon pou posed sa pei?”

Zenez 22:13

Abrahanm ti lev lizye e apersevwar en mouton mal ki ti'n pri dan brousay par son korn. I ti pran sa mouton e ofer li koman en sakrifis dan plas son garson.

Psonm 50:5

Rasanble mon bann fidel ki'n fer en lalyans avek mwan par en sakrifis!

Kantik Salomon 2:12

Bann fler in fleri partou dan pei; letan pour sante in arive, e tourtrel i fer tande son roukoulman dan nou pei.

Ezai 15:5

Mon leker pe lamante pour Moab. Son bann zabitan pe sove ziska Soar e ziska Eglat-Selisya. Dan monte Louit zot pe plere. Zot pous en kri dezespwar lo semen ki al Horonaim.

Levitik 1:10

Si en dimoun i ofer koman sakrifis konplet, en mouton oubyen en kabri ki sorti dan troupo, i ava ofer en mal san okenn defo.

Levitik 1:14

Si en dimoun i ofer SENYER koman sakrifis konplet avek en zwazo, alor i ava ofer en tourtrel oubyen en pizon.

Levitik 1:3

Si i ofer koman sakrifis konplet, en bef sorti dan son troupo, i ava swazir en mal san okenn defo. I ava ofer son sakrifis devan lantre Latant Rankont pour li ganny aksepte devan SENYER.

Levitik 12:6

Kan son letan pirifikasyon ava'n fini, pour en garson oubyen en fiy, sa fanm ava anmenn en zenn mouton aze enn an devan lantre Latant Rankont kot pret pour ofer en sakrifis konplet, avek en pizon oubyen en tourtrel pour sakrifis pardon pese.

Levitik 12:8

Si i napa mwayen pour anmenn en zenn mouton, i ava pran de tourtrel oubyen de pizon, enn pour en sakrifis konplet e lot pour en sakrifis pardon pese. Pret ava fer rityel pardon pour sa fanm ki ava ganny pirifye.

Levitik 14:22

I ava osi pran de tourtrel ek de pizon, dapre son mwayen; enn pour sakrifis pardon pese, lot pour sakrifis konplet.

Levitik 14:30

Pret ava ofer enn sa tourtrel oubyen pizon, dapre sa ki sa zonm i'n kapab anmennen,

Levitik 3:1

Si en dimoun i ofer en sakrifis lape, i ava ofer en zannimo ki sorti dan son troupo bef. I ava ofer SENYER en mal oubyen en femel ki san defo.

Levitik 3:6

Si en dimoun i ofer koman sakrifis lape en zannimo sorti dan son troupo mouton oubyen kabri, i ava pran en mal oubyen en femel ki san okenn defo.

Levitik 9:2

I ti dir Aaron, “Pran en zenn toro pour sakrifis pardon pese, ek en mouton mal pour sakrifis konplet; tou le de i devre san defo. Prezant zot devan SENYER.

Levitik 9:4

en toro ek en mouton mal, pour prezant devan SENYER koman en sakrifis lape, ansanm avek en lofrann vezetal petri avek delwil. Ozordi SENYER pou aparet avek zot.”

Levanzil dapre Lik 2:24

Parey lalwa i osi demande, zot ti ofer en sakrifis: En per tourtrel, oubyen de zenn pizon.