Zenez 15:3 - Labib An Kreol Seselwa

³ Ou pa'n donn mwan en desandan, se enn mon serviter ki pou vin mon zeritye.”

Zenez 15:3 ပူးပေါင်းရင်းမြစ်များ

Zenez 12:2

Mon pou fer ou vin papa en gran nasyon e mon pou beni ou. Mon pou fer ou non vin enportan e ou ava vin en benediksyon.

Zenez 13:16

Mon pou fer ou desandans vin sitan nonbre, parey lapousyer later ki personn pa kapab konte.

Zenez 14:14

Kan Abranm ti'n tande ki enn son fanmir ti'n ganny pran prizonnyen, i ti ralye 318 parmi son bann pli bon gerye e i ti al pourswiv sa kat lerwa ziska Dann.

Zenez 15:2

Abranm ti reponn, “Senyer BONDYE, ki ou pou donn mwan? Mon napa zanfan e mon zeritye se Eliezer ki sorti Damas.

Proverb 13:12

Lespwar ki tarde realize i anmenn gran sagren; me en dezir ki realize i en pye dibwa ki donn lavi.

Proverb 29:21

En serviter ki'n ganny gate depi son lanfans, pou vin arogan plitar.

Proverb 30:23

en fanm deteste ki marye, e en servant ki ranplas son metres.

Eklezyas 2:7

Mon ti aste bokou lesklav, zonm ek fanm; zot zanfan in ne lanmenm; mon ti annan bokou serviter. Mon ti posed bokou zannimo, bef ek mouton, plis ki tou dimoun ki ti reste Zerizalenm avan mwan.

Zeremi 12:1

SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?