Zenez 13:16 - Labib An Kreol Seselwa

¹⁶ Mon pou fer ou desandans vin sitan nonbre, parey lapousyer later ki personn pa kapab konte.

Zenez 13:16 ပူးပေါင်းရင်းမြစ်များ

Zenez 15:5

SENYER ti anmenn li deor e dir li, “Lev ou lizye anler, get lesyel, e kont bann zetwal si ou kapab; la ki mannyer ou desandans pou ete.”

Zenez 16:10

Lanz SENYER ti osi dir li, “Mon pou sitan ogmant ou desandans, ki personn pa pou kapab konte.”

Zenez 17:16

Mon pou beni li, e mon pou osi donn ou en garson atraver li. Mon pou beni li, e i pou vin manman en bann nasyon. Bann lerwa bokou pep pou sorti parmi son desandans.”

Zenez 17:2

Mon pou etabli en lalyans ant mwan ek ou, e mon pou ogmant ou desandans.”

Zenez 17:20

Kanta Ismael, mon'n antann ou demann; mon pou beni li e donn li bokou zanfan e ogmant son bann desandan. I pou vin papa 12 sef e mon pou fer li vin en gran nasyon.

Zenez 17:6

Mon pou fer ou ganny bokou zanfan; zot pou form bokou nasyon; parmi, i annan ki pou vin lerwa parmi ou desandans.”

Zenez 18:18

la ki i pou vin zanset en gran pep pwisan, e tou nasyon lo later ava ganny beni atraver li?

Zenez 21:13

Me par garson ou servant, mon pou fer sorti en nasyon, akoz i osi ou desandan.”

Zenez 22:17

mon pou beni ou. Mon pou ogmant ou desandans e fer zot vin parey zetwal dan lesyel e parey bann gren disab lo bor lanmer. Ou desandans pou pran posesyon bann lavil zot bann lennmi.

Zenez 26:4

Mon pou ogmant ou desandans e fer zot vin parey zetwal dan lesyel. Mon pou donn ou desandans tou sa bann pei, e par ou desandans, tou bann nasyon lo later pou ganny beni.

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

Zenez 28:3

Bondye Toupwisan ava beni ou e donn ou bokou zanfan, pour ki ou ava vin en gran pep.

Zenez 32:12

Me ou SENYER, ou'n dir: Mon pou fer ou dibyen, e mon pou fer ou desandans vin parey disab lo bor lanmer ki pa kapab ganny konte.”

Zenez 32:13

Alor, i ti pas lannwit la. Parmi tou sa ki i ti posede, i ti swazir en kado pour son frer Ezai:

Zenez 35:11

Bondye ti dir li: Mwan menm Bondye Toupwisan. Ou pou ganny bokou zanfan; ou desandans pou ogmante. Ou pou vin papa en nasyon e en group nasyon. Pou osi annan lerwa parmi ou desandans.

Zenez 46:3

Bondye ti dir li, “Mwan menm Bondye, Bondye ou papa. Pa per pour desann Lezip, akoz mon pou fer ou vin en gran nasyon laba.

1 Rwa 3:8

Mon trouv mwan koman sef sa pep ki ou'n swazir, sa pep telman gran ki pa kapab ganny konte.

1 Rwa 4:20

Zabitan rwayonm Zida ek Izrael ti nonbre koman disab dan bor lanmer. Zot ti annan dekwa pour manze e bwar.

2 Rwa 13:23

SENYER ti pran pitye pour zot e i ti pardonn zot, akoz son lalyans ki i ti'n fer avek Abrahanm, Izaak, ek Zakob. I pa ti oule detri zot; ziska aprezan, i pa'n rezet zot lwen avek li.

1 Kronik 21:5

Zoab ti rann kont David sif resansman lepep ki annan laz pour al lager: 1,100,000 zonm dan Izrael antye; dan Zida 470,000.

1 Kronik 27:23

David pa ti fer kont dimoun ki ti anba laz 20 an, akoz SENYER ti'n promet pour li fer Izrael vin nonbre parey bann zetwal dan lesyel.

2 Kronik 1:9

Aprezan, SENYER Bondye, akonpli ou promes ki ou'n fer avek mon papa David. Ou menm ki'n etabli mwan koman lerwa lo en pep ki osi nonbre ki lapousyer later.

Liv Zob 5:25

Ou pou ganny ankor bokou zanfan, e ou bann pti zanfan pou pouse parey zerb dan laplenn.

Egzod 1:7

Bann Izraelit ti annan bokou zanfan. Zot ti ranpli Lezip e vin deplizanpli tre for.

Egzod 32:13

Mazin Abrahanm, Izaak ek Izrael, ou bann serviter avek ki ou menm, ou ti fer en serman: Mon pou ogmant zot desandans parey zetwal dan lesyel; mon pou donn zot sa pei ki mon'n promet zot desandans pour touzour.”

Zeremi 33:22

Parey i pa posib kont bann zetwal dan lesyel, ni bann gren disab dan lanmer, mon pou osi ogmant desandans mon serviter David e bann desandan Levi ki servi mwan koman pret.

Nonm 23:10

Lekel ki kapab kont pep Izrael ki koman lapousyer? Lekel ki kapab kalkil popilasyon Zakob ki koman nyaz? Les mon bann zour fini koman en zonm drwat; les mwan mor anpe parey en zonm zis.

Deterononm 1:10

SENYER, zot Bondye in ogmant zot pep, e ozordi, zot in vin osi nonbre ki zetwal dan lesyel.

Ebre 11:12

Pour sa rezon, par zis en zonm, menm si i ti pre pour mor, Bondye in fer sorti en kantite desandans parey zetwal dan lesyel e parey gren disab lo bor lanmer.

Revelasyon 7:9

Apre sa, mon ti regarde e mon ti war en gran lafoul ki personn pa ti kapab konte, sorti dan tou nasyon, tribi, pep ek lalang. Zot ti debout devan tronn e devan Zenn Mouton, abiye dan rob blan, avek brans palm dan lanmen.

Ziz 6:3

Ler bann Izraelit ti senm zot bann legren, bann Madyanit, bann Amalesit ek bann pep sorti dan Les, ti monte pour atak zot.

Ziz 6:5

Annefe, zot ti monte avek zot bann troupo, zot bann latant. Zot ti anvai pei parey en lesen sotrel. Zot ti annan en kantite samo; zot ti vin pour ravaz pei.