Zenez 12:8 - Labib An Kreol Seselwa

⁸ I ti kit sa landrwa pour al dan montanny ki Les avek Betel. I ti mont son latant ant Betel lo kote Was e Ayi, lo kote Les. I ti konstri en lot lotel pour SENYER e i ti envok non SENYER.

Zenez 12:8 ပူးပေါင်းရင်းမြစ်များ

Zenez 13:18

Abranm ti deplas son bann latant e al etabli li obor bann gran pye dibwa sakre Manmre pre Hebron. La i ti konstri en lotel pour SENYER la.

Zenez 13:3

I ti kit Negev e par letap, i ti al ziska Betel, landrwa kot i ti'n deza kanpe ant Betel ek Ai.

Zenez 13:4

La, dan sa landrwa kot i ti'n deza konstri en lotel, i ti envok SENYER par son non.

Zenez 21:33

Abrahanm ti plant en pye dibwa la Berseba, pour mark sa landrwa akoz la, i ti envok non SENYER, Bondye eternel.

Zenez 22:9

Kan zot ti ariv dan sa landrwa ki Bondye ti'n endik li, Abrahanm ti fer en lotel, aranz dibwa lo la, anmar son garson Izaak e met li lo lotel, anler lo dibwa.

Zenez 26:25

Izaak ti konstri en lotel dan sa landrwa e envok non SENYER e i ti fikse son latant la. Bann serviter Izaak ti fouy en pwi.

Zenez 28:19

I ti apel sa landrwa Betel. Sa landrwa ti apel Louz avan.

Zenez 31:25

Laban ti zwenn Zakob ki ti'n enstal son latant dan montanny. Laban li, avek tou son lantouraz ti al kanp Galaad.

Zenez 33:20

La, i ti fer en lotel e i ti apel sa landrwa: El, Bondye Izrael.

Zenez 35:3

Apre, annou leve e al Betel, pour mwan kapab fer en lotel pour Bondye ki ti ekout mwan kan mon ti dan detres e ki'n avek mwan partou kot mon'n ale.”

Zenez 35:7

La, i ti konstri en lotel, e i ti apel sa landrwa El-Betel, akoz ti la ki Bondye ti'n revel li avek Zakob, kan i ti pe sov son frer.

Zenez 4:26

Set ti ganny en garson ki i ti apel Enos. Depi sa moman, dimoun ti konmans envok non SENYER.

Zenez 8:20

Noe ti fer en lotel pour SENYER. I ti pran enn parmi bann zannimo pir ek en zwazo pir e i ti ofer koman en sakrifis konplet lo sa lotel.

Nehemi 11:31

Bann desandan Benzamen ti etabli zot depi Geba, dan Nikmas, Aya, Betel ek son bann vilaz dan zalantour.

Psonm 116:4

Alor, mon ti kriy non SENYER: Pitye SENYER! Sov mwan.

Egzod 17:15

Moiz ti konstri en lotel ki i ti apel SENYER i mon bannyer.

Ezai 10:28

Zot pas pre avek Ayat. Zot pas dan Migronn e kit zot bagaz Mikmas.

Zoel 2:32

Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Akt de Zapot 2:21

Alor, sa enn ki pou envok non Senyer, pou ganny sove.

1 Korentyen 1:2

Pour Legliz Bondye ki Korent, e pour sa bann ki'n ganny apele pour viv pour Bondye par lafwa dan Zezi-Kri; pour tou ki'n ganny apele dan non nou Senyer Zezi-Kri, zot Senyer e nou Senyer.

Ebre 11:9

Par lafwa, i ti viv koman en etranze dan sa pei ki i ti'n ganny promet. I ti reste anba latant avek Izaak ek Zakob, bann zeritye menm promes.

Zozye 18:22

Bet-Araba, Semaraim, Betel,

Zozye 22:10

Kan zot ti ariv dan rezyon pre avek larivyer Zourden, ki dan pei Kanaan, bann Ribenit, bann Gadit ek demi tribi Manase ti konstri en gran lotel obor larivyer.

Zozye 7:2

Depi Zeriko, Zozye ti anvoy detrwa zonm dan lavil Ai ki pros avek Bet-Aven, Les ek lavil Betel. I ti dir zot, “Monte, al espyonn sa pei.” Bann zonm ti al espyonn lavil Ai.

Zozye 8:12

I ti pran anviron 5,000 zonm e i ti fer zot kasyet ant Betel ek Ai, Was avek lavil.

Zozye 8:17

Tou zabitan Ai ek Betel ti'n sorti pour pourswiv bann Izraelit. Zot ti'n les lavil san defans pour zot al pourswiv Izrael.

Zozye 8:3

Zozye avek tou son bann gerye, ti met li pare pour al atak Ai. I ti swazir 30,000 vayan gerye ki i ti anvoy dan lannwit,

Zozye 8:30

Apre, Zozye ti konstri en lotel pour SENYER, Bondye Izrael lo montanny Ebal,

Zozye 8:9

Alor, Zozye ti anvoy zot e zot ti pran pozisyon pour zot latak sirpriz. Zot ti enstal zot ant Betel ek Ai, lo kote Was avek Ai. Zozye ti pas lannwit parmi lepep.

Ziz 6:24

Dan sa landrwa, Zedeon ti konstri en lotel an loner SENYER; i ti apel sa landrwa “SENYER i lape”. Sa lotel i ankor la, dan lavil Ofra kot klan Abiezer.

1 Samyel 30:27

David ti anvoy en par pour bann ansyen dan lavil partou kot li ek son bann zonm ti'n traverse: Betel, Sid Ramot, Yatir;