Zenez 11:31 - Labib An Kreol Seselwa

³¹ Tera ti pran son garson Abranm, son pti zanfan Lot, garson Harann, son belfiy Sarai, fanm Abranm. Ansanm, zot ti kit Our, dan pei bann Kaldeen, pour al Kanaan. Zot ti ariv ziska Harann kot zot ti etabli zot.

Zenez 11:31 ပူးပေါင်းရင်းမြစ်များ

Zenez 10:19

e zot teritwar ti pran depi Sidon dan direksyon Gerar, ziska Gaza, e dan direksyon Sodonm, Gomor, Adma ek Seboim, ziska Lesa.

Zenez 11:32

Tera ti mor la, Harann, aze 205 an.

Zenez 12:4

Abranm ki ti annan 75 an, ti aksepte kit Harann parey SENYER ti'n ordonn li.

Zenez 12:5

I ti anmenn avek li Sarai son fanm ek Lot son neve. I ti pran tou son posesyon ek tou bann lesklav ki i ti annan e i ti al dan direksyon Kanaan.

Zenez 14:12

Zot ti osi pran Lot, neve Abranm, ki ti reste Sodonm, prizonnyen, avek tou sa ki i ti posede.

Zenez 15:7

I ti dir li, “Mwan menm SENYER ki'n fer ou sorti Our, dan pei bann Kaldeen pour donn ou sa pei koman ou posesyon.”

Zenez 24:10

Sa serviter ti pran dis samo parmi bann samo son met. I ti pran osi bann meyer kado ki son met ti posede. I ti al an Mezopotami, dan lavil Nahor.

Zenez 24:15

Avan ki sa serviter ti'n fini priye, Rebeka, fiy Betouel, garson Milka, fanm Nahor, frer Abrahanm, ti sorti avek son potao lo son zepol.

Zenez 27:43

Aprezan mon garson, ekout mwan. Sov kot mon frer, Laban ki reste Harann.

Zenez 28:10

Zakob ti kit Berseba e al Harann.

2 Rwa 19:12

Eski bann bondye bann nasyon in delivre zot, sa bann nasyon ki lezot lerwa in detri: Gozann, Harann, Resef ek pep Edenn, ki ti dan Telasar?

Nehemi 9:7

Ou menm SENYER, Bondye, ki ti swazir Abranm, ki ti fer li sorti Our, dan pei bann Kaldeen. I ti donn li non Abrahanm.

Liv Zob 1:17

I ti ankor pe koze ler en lot mesaze ti arive. I ti dir, “Trwa group voler sorti dan Nor in arive e zot in atak troupo samo. Zot in pran tou, e zot in masakre tou bann serviter. Zis mwan ki'n sape pour vin anons ou sa nouvel.”

Ezai 37:12

Eski bann bondye bann nasyon in delivre zot, sa bann nasyon ki lezot lerwa in detri: Gozann, Harann, Resef ek bann pep Edenn ki ti dan Telasar?

Ebre 11:8

Par lafwa, Abrahanm ti obei, kan Bondye ti apel li: I ti al dan en pei ki i ti pou resevwar koman son posesyon. I ti kit son prop pei san konnen kote i ti pe ale.