Zenez 1:28 - Labib An Kreol Seselwa

²⁸ Bondye ti beni zot. I ti dir: Zot ava fer zanfan, zot ava ogmante e ranpli later; zot ava soumet anba zot dominasyon, tou pwason dan lanmer, tou zwazo dan lesyel ek tou zannimo ki bouze lo later!

Zenez 1:28 ပူးပေါင်းရင်းမြစ်များ

Zenez 1:22

Bondye ti beni zot. I ti dir: Zot ava ogmante e ranpli delo lanmer, e bann zwazo ava ogmante lo later!

Zenez 17:16

Mon pou beni li, e mon pou osi donn ou en garson atraver li. Mon pou beni li, e i pou vin manman en bann nasyon. Bann lerwa bokou pep pou sorti parmi son desandans.”

Zenez 17:20

Kanta Ismael, mon'n antann ou demann; mon pou beni li e donn li bokou zanfan e ogmant son bann desandan. I pou vin papa 12 sef e mon pou fer li vin en gran nasyon.

Zenez 24:60

Ou, nou ser, ou ava vin manman en kantite desandans. Ou desandans ava pran bann lavil zot bann lennmi!

Zenez 26:24

SENYER ti aparet avek li sa swar. I ti dir li, “Mwan menm Bondye ou papa, Abrahanm. Pa bezwen per, akoz mon avek ou. Mon pou beni ou e ogmant ou desandans, akoz mon serviter Abrahanm.”

Zenez 33:5

Kan Ezai ti lev son lizye e war bann fanm ek bann zanfan, i ti dir, “Lekel tou sa bann dimoun ki avek ou?” Zakob ti reponn, “Zot bann zanfan ki Bondye in donn mwan, ou serviter.”

Zenez 49:25

Par Bondye ou papa ki sekour ou, par Bondye Toupwisan, ou ava resevwar benediksyon, lapli ki sorti lao dan lesyel ek delo ki monte sorti dan profonder later. Benediksyon pour ganny bokou troupo ek bokou zanfan.

Zenez 5:2

Bondye ti kree zot zonm ek fanm. Zour i ti kree zot, Bondye ti beni zot e apel zot imen.

Zenez 6:1

Kan zonm ti konmans ogmante lo later e zot ti donn nesans bann fiy,

Zenez 8:17

Fer sorti tou bann diferan lespes zannimo ki avek ou, bann zwazo ek tou bann pti bebet, pour ki zot ava reprodwir partou lo later e ranpli later.”

Zenez 9:1

Bondye ti beni Noe ek son bann garson. I ti dir zot: Fer bokou zanfan, ogmant ou fanmir e ranpli later.

Zenez 9:7

Kanta zot, zot ava fer bokou zanfan, ogmant popilasyon e ranpli later.

1 Kronik 26:5

sizyenm Amyel; setyenm Isakar; wityenm Peoultai; Bondye ti'n beni Obed-Edonm.

1 Kronik 4:10

Yabes ti priy Bondye Izrael: Si ou vreman akord mwan ou benediksyon, ou ava agrandi mon teritwar; ou lanmen ava avek mwan; maler ek soufrans ava reste lwen avek mwan! Bondye ti akord Yabes tou sa ki i ti demande.

Liv Zob 39:11

Eski ou kapab fye li akoz son gran lafors, e les li fer tou travay dir?

Liv Zob 42:12

Dan bann lannen apre, SENYER ti beni Zob ankor plis ki avan. I ti posed 14,000 mouton, 6,000 samo, 2,000 bef, 1,000 femel bourik.

Psonm 107:38

SENYER i beni zot e zot popilasyon i ogmante; i pa les zot troupo diminyen.

Psonm 115:16

Lesyel i pour SENYER, me in donn bann imen later.

Psonm 69:34

Lesyel, later, lanmer e tou sa ki bouze i rann li laglwar,

Psonm 8:6

Ou'n donn li dominasyon lo tou sa ki ou'n kree. Ou'n met tou anba son kontrol:

Psonm 8:7

Mouton ek bef, menm bann zannimo sovaz,

Ezai 45:18

La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.

Levitik 26:9

Mon pou pran swen avek zot. Mon pou donn zot bokou zanfan e fer zot popilasyon ogmante; mon pou gard mon lalyans avek zot.

1 Timote 4:3

Sa bann dimoun pe ansennyen ki fodre pa marye, ni manz serten nouritir. Pourtan Bondye ki'n kree sa bann nouritir. Alor, bann krwayan ki konn laverite, zot kapab manze e dir mersi.