Zenez 1:2 - Labib An Kreol Seselwa

² Later ti san okenn laform e vid; partou ti fernwanr. Lespri Bondye ti bouze par lao delo.

Zenez 1:2 ပူးပေါင်းရင်းမြစ်များ

Liv Zob 26:14

Sa i zis en pti lide son bann aksyon, zis en leko sa ki nou tande lo li. Me lekel ki kapab konpran son gran pwisans?

Liv Zob 26:7

I'n plas kote Nor lesyel dan vid, e fer later sispann dan nean.

Liv Zob 38:9

Mon'n osi abiy lanmer avek bann nyaz e anvlop li avek brouyar epe.

Liv Zob 41:32

I les en latras klate deryer li, lanmer i vin blan parey labarb en vyeyar.

Psonm 104:30

Ler ou soufle lo zot, zot tou, zot reganny lavi e tou i vin nouvo lo later.

Psonm 104:6

I servi losean pour kouver later parey en lenz; delo ti monte e kouver latet bann montanny.

Psonm 136:6

In plas later lo bann losean; son fidelite i dire pour touzour.

Psonm 148:7

Loue SENYER depi lo later: Zot tou bann mons ki viv dan lanmer e lezot ki viv dan profonder losean;

Psonm 33:6

Lesyel ti ganny kree par parol SENYER. Par souf son labous, in fer lesyel ek tou bann zetwal.

Proverb 8:24

Mon'n ganny met omonn avan bann losean, ler ti napa okenn larivyer avek bokou delo.

Ezai 31:5

SENYER liniver pou protez Zerizalenm parey zwazo ki anvole par lao son bann piti. I pou protez li e delivre li; i pou eparny li, i pou sov li.

Ezai 45:18

La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.

Zeremi 4:23

Mon ti get later; mon ti war li vid, san okenn laform. Mon ti get lesyel; ti nepli annan okenn lalimyer.

Nahoum 2:10

Tou in ganny vole; tou in kase; tou in ganny kraze! Bann leker in perdi kouraz, zenou i tranble, lafors in afebli, bann figir in vin pal!

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Deterononm 32:11

parey en leg ki vey lo son nik, e anvole par lao son bann piti. I depliy son lezel, pran zot e anmenn zot anba son proteksyon.