Zenez 1:11 - Labib An Kreol Seselwa

¹¹ Apre, Bondye ti dir: Later ava prodwir verdir, bann plant ki annan lagrenn dapre sak lespes, bann pye dibwa ki aport fri avek lagrenn ladan dapre sak lespes! Sa ti arive.

Zenez 1:11 ပူးပေါင်းရင်းမြစ်များ

Zenez 1:12

Later ti prodwir verdir: Bann plant avek lagrenn dapre sak lespes, e bann pye dibwa ki aport fri avek lagrenn ladan dapre sak lespes. Bondye ti war ki sa ti bon.

Zenez 1:29

Bondye ti dir: Mon donn zot, tou plant avek lagrenn lo later ek tou pye ki raport fri avek lagrenn ladan. Zot ava servi tousala pour zot nouritir.

Zenez 2:16

SENYER Bondye ti donn zonm sa lord: Ou kapab manz tou fri ki dan zarden;

Zenez 2:5

ti napa okenn vezetasyon lo later. Okenn plant pa ti ankor pouse e okenn lagrenn pa ti ankor zermen. SENYER Bondye pa ti ankor anvoy lapli lo later e ti napa dimoun pour kiltiv later.

Zenez 2:9

SENYER Bondye ti fer pouse tou kalite zoli pye dibwa; zot fri ti bon pour manze. Dan milye zarden, i ti plas pye dibwa ki donn lavi e pye dibwa ki donn konnesans lebyen ek lemal.

Liv Zob 28:5

Later ki prodwi manze; me anba, en dife i boulvers tou.

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Psonm 147:8

I kouver lesyel avek nyaz; i prepar lapli pour later; i fer zerb pouse lo montanny.

Ezai 61:11

Akoz parey later i fer lagrenn zermen, parey en zarden i fer pouse son bann legren, Senyer BONDYE pou fer lazistis ek louanz zermen devan tou bann nasyon.

Zeremi 17:8

I parey en pye dibwa plante obor delo. Son rasin i desann ver larivyer. I pa per kan letan lasaler i vini, son fey i reste touzour ver. En lannen lasesres pa trakas li; i kontinyen donn fri.

Matye 3:10

Konmela menm, lars in pare la obor rasin bann pye dibwa. Tou pye dibwa ki pa raport bon fri, pou ganny koupe e zet dan dife.

Matye 6:30

Ozordi, Bondye i abiy byen sa bann zerb dan laplenn. Demen, zot pou ganny zet dan dife. Alor, a pli fort rezon, pa i ava abiy zot? Zot napa bokou lafwa.

Mark 4:28

Par li menm, later i prodwi larekolt: Dabor son tiz, answit zepi ver e anfen lagrenn ki byen formen dan zepi.

1 Korentyen 15:38

Bondye i donn li en lekor ki i oule; i donn sak lagrenn son prop lekor.

Ebre 6:7

Kan later i abzorb lapli ki tonm souvan, i prodwi bann plant ki itil pour en kiltivater. Bondye i beni sa later.

Let Zak 3:12

Mon bann frer! Eski en pye fig i kapab raport zoliv, e en pye rezen raport fig? Demenm, en sours delo sale pa kapab prodwi delo dou.