Ezekyas ti priy devan SENYER e i ti dir: SENYER, Bondye Izrael, ou ki ou tronn i par lao bann seriben. Ou ki sel Bondye dan bann rwayonm lo later; ou ki'n kree lesyel ek later.
Zis ou, SENYER, zis ou ki'n fer lesyel, lesyel ki par lao lesyel, e tou sa ki i annan, later avek tou sa ki i kontenir, lanmer e tou sa ki ladan. Ou donn zot tou lavi. Liniver antye i ador ou.
Annefe, pandan sis zour, SENYER ti fer lesyel ek later, lanmer e tou sa ki ladan; setyenm zour i ti repoze. Pour sa rezon, SENYER ti beni zour saba e i ti konsakre li.
Lev ou lizye lao e gete: Lekel ki ti kree tousala? Sa enn ki mobiliz son larme, ki apel sakenn zot par son non, par son gran pouvwar e son gran lafors, san ki en sel i manke.
Eski zot pa konnen? Eski zot pa'n tande? SENYER ki Bondye depi touzour e pour touzour, i Kreater later antye. I pa zanmen afebli; zanmen i fatige, son lentelizans napa okenn limit.
La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.
La sa ki SENYER ou Sover ki ti form ou dan vant ou manman i deklare: Mwan menm SENYER ki'n kree tou keksoz. Tousel mon'n deroul lesyel e tousel, mon'n tal later.
La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.
Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?
Mon'n met mon bann parol dan ou labous e kasyet ou anba lonbraz mon lanmen; mon'n tal lesyel e met bann fondasyon later; mon'n dir avek Siyon: Ou menm mon pep.
Dan sa letan, Zezi ti dir: Mon remersye ou, Papa, Senyer lesyel ek later. Ou'n kasyet tou sa bann keksoz avek bann dimoun saz e entelizan, me ou'n revel zot avek bann zanfan.
“Bann zanmi! Akoz zot fer sa? Nou, nou zis bann zonm parey zot. Nou pe anmenn zot Bonn Nouvel pour ki zisteman, zot abandonn sa bann zidol initil e vin kot Bondye ki vivan, ki'n fer lesyel, later, lanmer ek tou sa ki egziste.
Kan zot ti antann sa zistwar, bann krwayan ti met zot ansanm pour priy Bondye, “Met! Ou ki'n kre lesyel, later, lanmer ek tou sa ki lo later e dan lanmer.
pour nou, i annan en sel Bondye, Papa, kot tou keksoz i sorti, e pour ki nou egziste. I osi annan en sel Senyer, Zezi-Kri, par ki tou keksoz i egziste e par ki nou egziste.
Zot oubliy par ekspre, ki depi byen lontan lesyel ek later in ganny formen par Parol Bondye. Later in sorti dan delo, e in ganny tenir ansanm par delo.
Nou pe anons zot Parol lavi ki ti egziste depi o konmansman, ki nou'n tande, e ki nou'n war avek nou prop lizye. Nou'n kontanple li e nou'n tous li avek nou lanmen.
I ti fer en serman par sa enn ki viv pour touzour, ki'n kree lesyel avek tou sa ki egziste dan lesyel, later avek tou sa ki egziste lo later, lanmer avek tou sa ki egziste dan lanmer: Sa pa pou tarde arive.
I ti kriy avek en lavwa for: Annan respe pour Bondye e rann li glwar, akoz ler son zizman in arive. Ador sa enn ki'n kree lesyel, later, lanmer ek bann sours delo!
I ti dir mwan: Tou keksoz in akonpli! Mwan menm Alfa ek Omega, konmansman ek lafen. Sa enn ki swaf, mon pou donn li gratwitman drwa bwar dan sours delo lavi.
