Zakari 9:9 - Labib An Kreol Seselwa

⁹ Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Zakari 9:9 ပူးပေါင်းရင်းမြစ်များ

1 Rwa 1:38

Alor, pret Sadok, profet Natan ek Benaya, garson Yoyada, avek bann Keretit ek bann Peletit, ki ti bann gard lerwa, ti ed Salomon mont lo bourik lerwa David e anmenn li Giyonn.

Psonm 149:2

Izrael! Montre ou lazwa akoz ou Kreater. Zabitan Zerizalenm! Selebre zot lerwa.

Psonm 2:6

Mwan ki'n etabli mon lerwa lo Siyon, mon montanny sen.

Psonm 45:1

Mon leker i deborde avek zoli parol. Mon dedye mon poenm pour lerwa. Mon lalang i parey plim en bon poet.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 30:6

La en mesaz konsernan bann zannimo ki viv dan Negev: Atraver en pei kot i annan maler ek detres, la kot lyon, mal ek femel i reste, kot serpan ek dragon volan i reste, zot anmenn zot larises lo ledo bourik, zot trezor lo bos samo; kado pour en pep ki pa kapab fer nanryen pour ed zot!

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Ezai 40:9

Siyon! Ou ki anmenn bon nouvel, mont lo latet en gran montanny. Zerizalenm! Ou ki anmenn bon nouvel, kriy avek tou ou lafors. Fer tande ou lavwa! Pa bezwen per! Al dir ek bann lavil dan Zida: Ou Bondye i la!

Ezai 43:11

Mwan, zis mwan ki SENYER; apar mwan, napa en lot ki kapab sov ou.

Ezai 43:3

akoz mwan menm SENYER ou Bondye, Bondye Sen Izrael, ou Sover. Mon'n donn Lezip koman en ranson pour ou delivrans. Mon'n esanz Letyopi ek Seba dan ou plas.

Ezai 45:21

Koze! Prezant zot ka. Diskit ansanm avek kanmarad. Lekel ki'n fer konnen tousala depi lontan? Lekel ki'n anons tousala? Pa mwan, SENYER? Napa okenn lot bondye apard mwan, en Bondye ki zis e Sover. Napa okenn lot bondye apard mwan.

Ezai 52:7

Gete koman i zoli lo montanny, lipye sa mesaze ki anons lape, ki anmenn bon nouvel, ki proklanm delivrans, ki dir avek Siyon: Ou Bondye i lerwa!

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 62:11

SENYER in proklanmen partou lo later: Al dir avek bann zabitan Siyon: Ou delivrans pe vini, ou lapey i avek li; ou rekonpans pe vini.

Zeremi 30:9

Zot ava servi SENYER zot Bondye, e David, zot lerwa ki mon pou donn zot.

Ezekyel 21:32

Ou pou ganny devore par dife, ou disan pou koule dan milye pei. Personn pa pou rapel ou. Mwan SENYER mon'n koze.

Oze 1:7

Me mon pou kontan pep Zida. Mwan SENYER zot Bondye, mon pou sov zot san servi fles, ni lepe, ni lager, ni bann seval oubyen kavalye.

Mise 4:8

Ou, Tour ki vey lo troupo, kolin fiy Siyon! Ou pou retrouv ou lotorite ki ou ti annan avan. Zerizalenm pou vin lavil kapital.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Zakari 2:10

Zabitan Siyon i sante: Fer lafet! Akoz, la sa ki SENYER i deklare: Mon pou vini e mon pour reste parmi zot.

Matye 1:21

I pou donn nesans en garson, e ou ava apel li Zezi, akoz i pou sov son pep dan son bann pese.”

Matye 11:29

Pran mon fardo e aksepte mon lansennyman, akoz mon dou e dan mon leker i annan limilite e zot ava kapab repoze.

Matye 2:2

Zot ti demande, “Oli sa lerwa bann Zwif ki fek ne? Nou'n war son zetwal dan Les, e nou'n vin ador li.”

Mark 11:7

Zot ti anmenn sa pti bourik kot Zezi e tal zot lenz lo li. Zezi ti asiz lo li.

Levanzil dapre Lik 24:27

Alor, konmansan par Moiz ek tou bann profet, Zezi ti eksplik zot sa ki Lekritir in dir lo son size.

Levanzil dapre Zan 1:49

Natanael ti dir li, “Met! Ou menm Garson Bondye. Ou menm lerwa pep Izrael.”

Levanzil dapre Zan 19:15

Me zot ti konmans kriye, “Touy li! Touy li! Krisifye li!” Pilat ti demann zot, “Eski mon ava krisifye zot lerwa?” Bann gran-pret ti reponn, “Nou napa okenn lot lerwa apar Sezar.”

Ziz 10:4

I ti annan 30 garson ki ti mont 30 bourik e zot ti posed 30 lavil; ziska ozordi, sa bann lavil i ganny nonmen vilaz Yair, dan Galaad.