8 Mon pou kanp a kote mon lakaz koman en gardyen, pour ki personn pa ale vini. Okenn opreser pa pou pas kot li akoz aprezan, mon pe vey avek mon prop lizye.
Dan son lepok, Faraon Neko, lerwa Lezip, ti al lager kont lerwa Asiri dan direksyon larivyer Efrat. Lerwa Zozyas ti sorti kont li; me koman i ti war li, faraon Neko ti touy li Megido.
Alor, SENYER ava kree lo montanny Siyon e lo bann lasanble ki'n ganny konvoke, en nyaz avek lafimen pandan lazournen, e en laklerte koman en laflanm dife pandan lannwit. Konmsa, laglwar SENYER pou kouver tou,
Pou nepli antann koz lo vyolans dan ou pei, ni devastasyon ni destriksyon dan ou teritwar; ou pou apel ou bann miray delivrans e ou bann laport louanz.
Zot pou vin selebre lo kolin Siyon avek lazwa lo zot figir, kan zot ava war tou sa ki SENYER in donn zot: Dible, diven nouvo, delwil, mouton, kabri ek bef. Zot lavi pou parey en zarden byen aroze; zot pou annan tou sa ki zot bezwen.
Lo size Lezip: Konsernan larme Faraon Neko, lerwa Lezip ki ti lo larivyer Efrat, dan Karkemis, e ki ti'n ganny bate par Naboukodonozor, lerwa Babilonn, dan katriyenm lannen renny Yoyakim, garson Zosyas, lerwa Zida:
La sa ki SENYER i deklare: Sa zour, mon pou fer per tou zot seval e rann fou zot kavalye. Me letan mon frap bann seval bann nasyon e fer zot vin aveg, mon pou vey lo tribi Zida.
Sa zour, SENYER pou protez bann zabitan Zerizalenm. Konmsa, sa enn ki pli feb parmi zot, ava parey David e desandan David pou vin parey Bondye pour zot, parey lanz SENYER ki mars devan zot.
Mon pou tir disan dan son labous e restan manze degoutan dan son ledan. Alor, li osi, i pou fer parti sa restan pep nou Bondye; i pou annan son plas dan tribi Zida. Zabitan Ekronn pou vin parey bann Zebizit.