Zakari 9:7 - Labib An Kreol Seselwa

⁷ Mon pou tir disan dan son labous e restan manze degoutan dan son ledan. Alor, li osi, i pou fer parti sa restan pep nou Bondye; i pou annan son plas dan tribi Zida. Zabitan Ekronn pou vin parey bann Zebizit.

Zakari 9:7 ပူးပေါင်းရင်းမြစ်များ

1 Kronik 1:14

bann Zebizit, bann Amorit, bann Girgasit,

1 Kronik 21:15

I ti anvoy son lanz pour detri Zerizalenm. Me letan i ti pe detri li, SENYER ti war sa maler e i ti regrete. I ti dir avek lanz, “Ase, arete!” Dan sa moman, lanz SENYER ti pe debout pre avek landrwa kot Ornann, en Zebizit, ti bat dible.

Psonm 3:7

Leve SENYER! Mon Bondye! Sov mwan. Ou kalot mon bann lennmi lo zot lazou; ou kas ledan mon bann malfeter.

Psonm 58:6

Bondye! Kas zot ledan dan zot labous. SENYER! Aras zeyer sa bann zenn lyon.

Ezai 65:4

ki reste dan bann latonm e pas lannwit dan bann kavern ros; ki manz lavyann pork. Tou zot bann resipyan i ranpli avek manze enpir.

Zeremi 48:47

Me dan lavenir, mon pou redonn Moab son larises SENYER i deklare. Sanmenm sa zizman ki ti ganny prononse lo Moab.

Zeremi 49:39

Me plitar, mon pou retabli Elanm dan son larises, SENYER i deklare.

Zeremi 49:6

Me plitar, mon pou retabli sityasyon bann Amonit dan son prosperite parey avan, SENYER i deklare.

Amos 3:12

La sa ki SENYER i deklare: Parey en berze i aras dan lagel en lyon de lapat oubyen zis en bout zorey en mouton, konmsa menm, ki pep Izrael ki viv dan Samari, pou ganny sove, pandan ki i akroupi dan zot sofa, oubyen lo zot kousen dan lili.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Zakari 9:6

En pep melanze pou enstal li dan Asdod. Mon pou detri lorgey bann Filisten.

Zakari 9:8

Mon pou kanp a kote mon lakaz koman en gardyen, pour ki personn pa ale vini. Okenn opreser pa pou pas kot li akoz aprezan, mon pe vey avek mon prop lizye.

Galat 3:28

Alor, i nepli annan okenn diferans ant Zwif ek non-Zwif, ant lesklav e ant dimoun lib, zonm oubyen fanm, akoz zot tou, zot in vin en sel avek Zezi-Kri.