Zakari 9:16 - Labib An Kreol Seselwa

¹⁶ Sa zour, SENYER zot Bondye pou sov son pep, akoz zot fer parti son troupo. Parey bann bizou dan en kouronn, zot ava briye lo sa later.

Zakari 9:16 ပူးပေါင်းရင်းမြစ်များ

Psonm 100:3

Rekonnet ki SENYER i li menm Bondye ki'n kree nou e ki nou pour li. I nou berze e nou, nou son pep e mouton son troupo.

Egzod 28:21

I ava annan 12 pyer presye ki ava koresponn avek non bann zanfan Izrael. Lo sak pyer presye ou ava fer grave bann non bann zanfan Izrael; i ava parey en sele avek sak non lo la, pour sa 12 tribi.

Egzod 28:9

Ou ava pran de pyer presye e ou ava grav lo la non bann garson Izrael:

Ezai 40:10

La Senyer BONDYE pe vini avek pwisans. Son lebra i donn li tou dominasyon. I anmenn saler son travay e son rekonpans i devan li.

Ezai 54:12

Latet ou miray pou kouver avek ribi; ou bann laport avek pyer briyan e tou ou bann miray kouver avek bann pyer presyez.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Ezai 60:3

Bann nasyon pou mars dan ou lalimyer e bann lerwa dan laklerte sa nouvo zour ki pe leve pour ou.

Ezai 62:3

Ou pou parey en zoli kouronn dan lanmen SENYER, en dyadenm rwayal dan lanmen ou Bondye.

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Zeremi 31:11

SENYER in delivre bann zabitan Izrael dan lanmen en lennmi ki ti tre pwisan.

Ezekyel 34:11

La sa ki Senyer BONDYE i deklare: Mwan menm, mon pou rod mon bann mouton e pran swen avek zot.

Ezekyel 34:12

Parey en berze, ki pran swen son troupo ki'n disperse partou, mon pou rasanble tou mon troupo. Mon pou al rod zot partou la kot zot in disperse, dan sa zour movetan e gro fernwanr.

Ezekyel 34:31

Zot, zot mon troupo, zot mon bann mouton ki mon nouri; e mwan, mon zot Bondye. Senyer BONDYE ki deklare.

Mise 5:4

Ou pou leve e nouri zot avek pwisans SENYER, avek mazeste non SENYER, son Bondye. Son pep ava viv an sekirite, e li, i ava ganny glorifye partou dan lemonn.

Mise 7:14

SENYER! Avek ou baton berze, kondwir ou pep. I pe reste tousel dan lafore, parmi bann pye fri. Parey dan letan lontan, anmenn li dan bann laplenn Basann, dan Galaad.

Sofoni 3:20

La sa ki SENYER i deklare: Dan sa letan, mon pour fer zot retournen; dan sa letan, mon pou rasanble zot. Mon pou sanz zot sityasyon devan zot lizye. Mon pou donn zot en renonmen e elev zot loner parmi bann nasyon.

Agze 2:23

Me sa zour, mon pou pran ou, mon serviter Zorobabel, garson Sealtiel e fer ou vin parey en sele personnel, akoz mon'n swazir ou. SENYER liniver ki deklare.

Zakari 10:6

Mon pou donn pep Zida ki'n plis kouraz e mon pou sov pep Izrael. Mon pou fer zot retournen, akoz mon annan konpasyon pour zot. Zot ava konmsi zanmen mon'n rezet zot. Mwan menm SENYER zot Bondye e mon pou egzos zot.

Zakari 8:23

La sa ki SENYER liniver i deklare: Dan sa bann letan, dis etranze ki koz diferan langaz, pou vin anpandan avek en Zwif. Zot pou atrap son lenz e dir li: Nou oule vin avek ou, nou'n tande ki Bondye i avek ou.

Levanzil dapre Lik 12:32

“Pa bezwen per, pti troupo! Zot Papa in pran plezir donn zot son Rwayonm.

Levanzil dapre Zan 10:27

Mon bann mouton i ekout mon lavwa, mon konn zot e zot swiv mwan.