Zakari 9:12 - Labib An Kreol Seselwa

¹² Prizonnyen ki annan ankor lespwar! Retourn dan ou fortifikasyon. Ozordi mon deklare: Mon pou double ou rekonpans.

Zakari 9:12 ပူးပေါင်းရင်းမြစ်များ

Liv Zob 42:10

Apre sa, kan Zob ti'n fini priy pour son bann zanmi, SENYER ti redonn li larises. I ti donn li de fwa plis ki i ti annan avan.

Ezai 24:22

Zot pou ganny atase ansanm parey prizonnyen dan en lafos; zot pou ganny anfermen dan en prizon e en bon pe letan apre, zot ava ganny pini.

Ezai 38:18

Lemonn lanmor pa kapab loue ou. Lanmor pa kapab selebre ou. Sa ki desann dan sa trou san fon pa kapab met lespwar dan ou fidelite.

Ezai 40:2

Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.

Ezai 49:9

pour ou dir avek bann prizonnyen: Sorti! Avek dimoun ki viv dan fernwanr: Montre zot! Zot pou kapab ganny nouri dan semen e lo bann montanny.

Ezai 52:2

Zerizalenm! Leve, sorti dan lapousyer. Repran ou plas! Fiy Siyon! Detas sa lasenn kaptivite dan ou likou!

Ezai 61:7

Olye ki zot ganny en doub laont ek dezoner koman zot par, zot pou erit en doub porsyon dan zot pei; zot pou dan lazwa pour touzour.

Zeremi 14:8

SENYER! Ou ki lespwar Izrael, ou ki son sover dan maler, akoz ou pas parey en etranze dan pei? Akoz ou konport ou parey en vwayazer ki pas zis en lannwit?

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Zeremi 31:17

I annan lespwar pour ou lavenir, SENYER i deklare. Ou bann zanfan pou retourn dan zot pei.

Zeremi 31:6

Sa zour pe vini, kan bann gardyen ava kriye depi bann kolin dan rezyon montanny Efraim: Annou leve! Annou al Zerizalenm kot SENYER nou Bondye.

Zeremi 50:28

Bann sirvivan ki ti'n sape Babilonn e ki'n ariv Zerizalenm ti rakonte koman SENYER nou Bondye in fer son revanz pour sa ki bann Babilonyen ti'n fer avek son tanp.

Zeremi 51:10

SENYER in ziz dan nou faver. Annou al rakont bann zabitan Zerizalenm, sa ki SENYER nou Bondye in fer.

Ezekyel 37:11

Apre, SENYER ti dir mwan: Ou ki en imen, ekoute! Sa bann lezo i pep Izrael antye. Zot dir: Nou en bann lezo sek, nou lespwar in mor, nou'n perdi.

Oze 2:15

La, mon pou rann li son plantasyon rezen e fer vale Akor, sa vale maler, vin en laport lespwar. I pou swiv mwan parey dan letan son lazenes, parey lepok ki i ti sorti Lezip.

Zoel 3:16

SENYER i kriye depi Siyon; i fer tande son lavwa depi Zerizalenm. Lesyel ek later i tranble. Me SENYER i en labri pour son pep, en proteksyon pour Izrael.

Mise 4:8

Ou, Tour ki vey lo troupo, kolin fiy Siyon! Ou pou retrouv ou lotorite ki ou ti annan avan. Zerizalenm pou vin lavil kapital.

Nahoum 1:7

SENYER i bon, i en labri dan moman detres. I pran swen bann ki met zot konfyans dan li,

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Ebre 6:19

Sa lesperans i pour nou koman en lank pour nou lavi. I sir e solid. I travers rido Tanp ki dan lesyel ziska dan sanktyer.