Zakari 8:9 - Labib An Kreol Seselwa

⁹ La sa ki SENYER liniver i deklare: Pran kouraz, zot ki ozordi pe antann sa bann parol ki bann profet ti prononse zour kan fondasyon tanp SENYER liniver, ti ganny poze.

Zakari 8:9 ပူးပေါင်းရင်းမြစ်များ

1 Kronik 22:13

Si ou respekte e met an pratik tou bann lalwa ek regleman ki SENYER in donn Moiz pour Izrael, ou ava reisi. Reste for, pran kouraz e pa per; pa les lafreyer pran ou.

1 Kronik 28:20

David ti dir ankor avek son garson Salomon, “Reste for, pran kouraz e azir. Pa bezwen ni per, ni dekouraze, akoz SENYER Bondye, mon Bondye i avek ou. I pa pou les ou tonbe, i pa pou abandonn ou, tan ki bann travay pour servis dan Tanp SENYER pa ankor fini.

2 Kronik 15:7

Me zot, montre zot for. Pran kouraz, akoz zot zefor pou ganny rekonpanse.

Esdras 6:14

Bann ansyen parmi bann Zwif ti konstri avek sikse, dapre parol profet Agze ek Zakari, garson Ido. Zot ti fini zot travay restorasyon dapre lord Bondye Izrael e dapre lord bann lerwa Lapers: Siris, Dariis ek Artakzerzes.

Ezai 35:3

Redonn lafors bann lanmen ki fatige; rann solid bann zenou ki pe tranble.

Ezai 35:4

Al dir sa bann ki leker i ranpli avek lafreyer: Reste for! Pa bezwen per! La ou Bondye! I pe vin vanz pour ou, pour rann ou bann lennmi tou dimal ki zot in fer ou. I pou vin sov ou.

Agze 1:1

Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Agze 1:12

Alor Zorobabel, garson Sealtiel, ek Gran-Pret Zozye, garson Yosadak, ansanm avek leres pep ki'n retournen sorti legzil, ti obei sa ki SENYER zot Bondye ti demann zot fer, par lentermedyer profet Agze. Lepep ti annan en gran respe pour SENYER.

Agze 2:18

Alor, reflesi ki pou arive apartir ozordi, vennkatriyenm zour, nevyenm mwan, e apre. Depi sa zour ki fondasyon tanp SENYER in ganny poze,

Agze 2:21

Koz avek Zorobabel, gouverner provens Zida, garson Sealtiel. Dir li: Mwan SENYER liniver, mon pou fer tranble lesyel ek later.

Zakari 8:13

Parey tribi Zida ek tribi Izrael ti anmenn malediksyon parmi bann nasyon, mon pou sov zot e zot pou anmenn benediksyon. Pa per! Pran kouraz!

Zakari 8:18

SENYER liniver ti koz avek mwan. I ti dir mwan:

Efezyen 6:10

Anfen, pran ou lafors dan linyon avek Senyer e dan son gran pwisans.

2 Timote 2:1

Alor ou, mon garson, pran ou lafors dan lagras ki sorti kot Zezi-Kri.

Zozye 1:6

Reste for e pran kouraz, akoz ou ki pou fer sa pep pran posesyon sa pei ki mon'n promet pour donn zot zanset.

Zozye 1:8

Sa liv lalwa pa pou kit ou labous. Ou ava medit lo li lizour e lannwit, pour ki ou ava azir dapre tou sa ki'n ekri. Konmsa, ou ava prospere e ou ava reisi.