Zakari 7:9 - Labib An Kreol Seselwa

⁹ La sa ki SENYER liniver i deklare: Rann bann vre zizman; pratik labonte ek konpasyon antre zot.

Zakari 7:9 ပူးပေါင်းရင်းမြစ်များ

2 Samyel 9:7

David ti dir li, “Pa per; mon pou azir bon anver ou akoz ou papa Zonatan, e mon pou rann ou tou later ou papa Sail. An plis, ou pou manz avek mwan tou le zour.”

Liv Zob 31:20

san ki i ti bezwen dir mwan mersi, e ki'n ganny resofe par lalenn mon bann mouton;

Liv Zob 6:14

En dimoun ki napa okenn senpati anver en zanmi, i napa okenn respe osi pour Bondye liniver.

Proverb 21:3

SENYER i prefer ladrwatir ek lazistis, plito ki bann sakrifis.

Zeremi 21:12

Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 22:3

Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Zeremi 7:5

Plito, sanz zot mannyer viv ek zot fason fer. Tret byen zot kanmarad.

Ezekyel 18:8

I pa pret son larzan avek lentere; ni egziz en profi lo la. I evit bann move pratik e i donn en bon zizman dapre lazistis.

Ezekyel 45:9

La sa ki Senyer BONDYE i deklare: Bann prens ki gouvern Izrael! Ase! Aret fer vyolans ek viktimizasyon. Respekte lalwa ek lazistis; aret vol bann byen ki pour mon pep, Senyer BONDYE i deklare.

Oze 12:7

Parey bann Kananeen, Efraim i kontan servi fo balans, i kontan fer frod.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Amos 5:24

Plito, fer lazistis koule parey delo, e ladrwatir parey en larivyer, ki pa zanmen sek!

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.

Zakari 7:7

Pa sanmenm sa mesaz ki SENYER ti fer konnen par lentermedyer son bann ansyen profet. Dan sa letan bann zabitan Zerizalenm ti dan lape e latrankilite avek bann lavil dan zalantour, e Negev ek Sefela ti annan zabitan.

Zakari 7:8

SENYER ti koz avek Zakari. I ti dir li:

Matye 23:23

Maler lo zot profeser Lalwa ek Farizyen! Bann ipokrit! Zot donn Bondye en dizyenm parti serten plant tel ki lanmant, legim ek zepis, me zot negliz sa ki pli enportan dan Lalwa, tel ki lazistis, konpasyon ek fidelite. I neseser ki zot fer tousala, me san negliz leres.

Levanzil dapre Lik 11:42

Me maler lo zot, bann Farizyen! Zot ki donn en dizyenm parti lo lanmant, lo tou zepis ek legim, me zot negliz lazistis ek lanmour Bondye. I neseser ki zot fer tousala, me san negliz lezot.

Levanzil dapre Zan 7:24

Aret ziz lo laparans, me ziz dapre lazistis.”

Levanzil dapre Zan 7:51

“Dapre nou Lalwa, nou pa kapab kondann en dimoun avan ekout li e konnen ki i'n fer.”

Deterononm 22:1

Si ou remarke ki bef oubyen mouton ou prosen in egare; pa fer sanblan ou pa'n war. Ou ava retourn li kot son propriyeter.