Zakari 7:3 - Labib An Kreol Seselwa

³ Avek bann pret ki servi dan tanp SENYER liniver e avek bann profet, zot ti poz sa kestyon: Eski mon bezwen kontinyen plere e fer en zenn dan senkyenm mwan, parey mon'n fer pandan plizyer lannen?

Zakari 7:3 ပူးပေါင်းရင်းမြစ်များ

Esdras 3:10

Kan bann travayer ti poz fondasyon tanp SENYER, bann pret dan zot rob seremoni ti avans devan avek zot tronpet, e bann levit, bann garson Asaf, avek zot senbal, ti rann glwar SENYER dapre bann direktiv donnen par David, lerwa Izrael.

Eklezyas 3:4

I annan en letan pour plere e en letan pour riye; en letan pour plennyen e en letan pour danse.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Zoel 2:17

Zot bann pret ki servi SENYER! Lamante ant lotel ek laport sanktyer. Dir: SENYER! Sov ou pep! Pa les ou bann zanfan vin en laont parmi bann nasyon! Pa les bann nasyon dir: Oli zot Bondye?

Agze 2:11

La sa ki SENYER liniver i deklare: Demann bann pret en lalwa lo sa kestyon:

Zakari 7:4

Alor, SENYER liniver ti koz avek mwan. I ti dir mwan:

Zakari 7:5

Dir avek lepep pei antye e avek bann pret. Kan zot ti fer en zenn, kan zot ti plere lo senkyenm ek setyenm mwan pandan sa 70 an, eski pour mwan ki zot ti pe fer sa zenn?

Zakari 8:19

La sa ki SENYER liniver i deklare: Zenn ki ou fer dan katriyenm mwan, zenn ki ou fer dan senkyenm mwan, zenn ki ou fer dan setyenm mwan e zenn ou fer dan dizyenm mwan, pou vin pour tribi Zida bann zour lazwa, rezouisans ek lafet. Alor, kontan laverite ek lape.

Malasi 2:7

I devwar bann pret pour ansenny vre konnesans Bondye. Lepep i devre pran konsey avek zot pour konnen ki lalwa i dir, akoz se zot ki mesaze SENYER liniver.

Matye 9:15

Zezi ti reponn zot, “Eski bann envite dan en maryaz i kapab tris, letan nouvo marye i avek zot? Me ler pou arive kan nouvo marye pou nepli avek zot. Alor, la zot ava zennen.”

1 Korentyen 7:5

Pa bezwen refiz kanmarad; amwen ki zot tonm dakor pandan en serten letan, pour lapriyer. Apre, retourn ansanm, pour ki Satan pa profite pour tant zot e fer zot perdi kontrol.

Deterononm 33:10

Zot ava ansenny Zakob ou bann regleman e Izrael ou Lalwa. Zot ava ofer lansan devan ou e bann sakrifis konplet lo ou lotel.