Zakari 7:14 - Labib An Kreol Seselwa

¹⁴ Mon'n dispers zot parmi bann nasyon ki zot pa ti konnen. Pei ki zot ti'n kit deryer, ti ganny devaste; personn pa ti pas par la. En pei kot ti gou viv, ti'n vin en dezer.

Zakari 7:14 ပူးပေါင်းရင်းမြစ်များ

2 Kronik 36:21

pour ki parol SENYER par lentermedyer profet Zeremi i realize: Ziska ki pei i gard bann saba pour letan ki i'n reste abandonnen; fodre i gard saba ziska ki 70 an i pase.

Psonm 58:9

Avan ki dife lapay i tous marmit, zot ava ganny balye dan tourbiyon son lakoler, avan ki manze dan marmit i ganny letan kwi!

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Ezai 21:1

En mesaz lo en Dezer Maritim! I pe vini parey en divan vyolan ki travers dezer Negev. I sorti dan dezer dan en pei terib.

Ezai 60:15

Otrefwa, ou ti'n ganny abandonnen, ai, deteste, san personn pas kot ou. Me aprezan, mon pou fer ou vin gran pour touzour, en rezon selebrasyon pour bann zenerasyon pour touzour.

Ezai 66:15

Annefe, dan dife ki SENYER pe vini; son bann kales i parey en siklonn; pour satisfer son gran lakoler, i pini zot dan laflanm dife.

Zeremi 12:10

Bann berze avek zot troupo in detri mon plantasyon rezen. Zot in pil lo mon later; zot in transform mon zoli plantasyon e fer li vin en dezer ranpli avek latristes.

Zeremi 23:19

Lakoler SENYER i parey en tanpet, en divan tourbiyon lo latet bann move dimoun.

Zeremi 30:23

Lakoler SENYER i arive parey en tanpet, en siklonn ki pe soufle an tourbiyon lo latet bann malfeter.

Zeremi 36:19

Apre, sa bann zofisye ti dir li, “Ou avek Zeremi, zot devre al kasyet. Pa les personn konnen kote zot ete.”

Zeremi 44:6

Alor, parey en dife, lavyolans mon lakoler e mon lendinyasyon in bril bann lavil Zida e bann lari dan Zerizalenm. Tou i an rin, tou i zis en dezer ziska ozordi.

Zeremi 5:15

Zabitan Izrael! Mon pe anvoy kont ou, en pep ki sorti lwen. I pou atak ou. I en pep for e ansyen ki pa'n zanmen perdi okenn lager. Zot pa ni konn son langaz, ni kapab konpran li.

Zeremi 52:30

dan ventrwazyenm lannen ki Naboukodonozor ti lerwa, Nebouzaradann, sef bann gard ti deport 745 Zwif. An tou, 4,600 dimoun ti ganny deporte.

Ezekyel 12:19

Dir avek popilasyon antye: La sa ki Senyer BONDYE i dir bann zabitan Zerizalenm ki'n reste dan pei Izrael: Zot pou manz zot dipen avek lafreyer, bwar delo an tranblan, akoz zot pei pou ganny devaste. Pa pou reste nanryen akoz vyolans ki son zabitan in komet.

Ezekyel 22:15

Mon pou dispers zot parmi bann nasyon e atraver bann pei e mon pou debaras zot avek zot bann aksyon enpir.

Ezekyel 5:10

Akoz sa, dan sa lavil, bann paran pou manz zot zanfan e zanfan pou manz zot paran. Mon pou egzekit mon zizman kont ou e dispers tou bann sirvivan, dan tou kote.

Danyel 8:9

Dan enn son korn, en lot pti korn ti pouse. I ti grandi ver Sid, ver Les e ver sa pli zoli pei.

Oze 9:17

Mon Bondye pou rezet zot, akoz zot pa'n ekout li. Zot pou vin eran parmi bann nasyon.

Zoel 2:3

Par devan, konmsi en dife ki devor tou. Par deryer, laflanm i detri tou. Oparavan, later ti parey zarden Edenn, me in vin sek, parey en dezer. Napa nanryen ki sap li.

Levitik 26:22

Mon pou anvoy kont zot bann zannimo sovaz ki ava touy zot bann zanfan e detri zot bann troupo. Zot pou disparet e zot semen pou vin dezer.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Amos 1:14

mon pou met dife dan Raba, e i pou detri tou son bann pale. Sa zour pou annan gran fraka lager, tanpet avek loraz.

Nahoum 1:3

SENYER i pasyan e son pwisans i gran. SENYER pa zanmen fer en koupab pas pour inosan. I tras son semen atraver gro divan ek tanpet; bann nyaz i koman lapousyer anba son lipye.

Habakouk 3:14

Ou pers latet bann sef son bann gerye avek zot prop dart. Zot arive parey siklonn, pour sas nou dan tou kote. Zot kriye avek lazwa, konmsi pour devor en pov ki ti'n kasyet dan son trou.

Sofoni 3:6

Mon'n fer bann nasyon disparet. Mon'n demoli zot miray defans. Mon'n fer zot semen vin en ta debri, kot personn pa pase. Zot bann lavil in ganny detri, i nepli annan okenn zabitan.

Zakari 2:6

La sa ki SENYER liniver i deklare: Leve! Sove, kit pei Nor. Mon'n dispers ou dan tou direksyon, parey divan ki soufle dan kat kwen lesyel. SENYER ki deklare.

Zakari 8:1

SENYER liniver ti koz avek mwan. I ti dir:

Zakari 9:14

Apre sa, SENYER pou aparet par lao zot e son fles pou sorti parey zekler. Senyer BONDYE pou soufle tronpet. I pou avanse dan tanpet sorti dan Sid.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.