Zakari 6:8 - Labib An Kreol Seselwa

⁸ Apre sa, lanz ti kriy avek mwan: Gete! Bann seval ki pe al dan Nor pei in met mon lespri anpe dan sa rezyon.

Zakari 6:8 ပူးပေါင်းရင်းမြစ်များ

Eklezyas 10:4

Si ou sef i ankoler kont ou, pa bezwen ki ou kit ou travay! En lespri kalm i evit bann fot grav!

Ezai 1:24

La sa ki SENYER Bondye liniver, BONDYE Toupwisan Izrael i deklare: Maler! Mon pou revanz lo mon bann lennmi. Mon pou tourn kont mon bann ladverser.

Ezai 48:14

Rasanble e ekoute zot tou! Lekel parmi zot ki'n deza anons tousala? Sa enn ki SENYER i kontan pou realiz sa ki i'n deside kont Babilonn e son lebra pou leve kont bann Babilonyen.

Ezekyel 16:42

Kan mon ava'n satisfer mon lakoler kont ou, mon zalouzi ava arete e mon ava repran mon kalm; mon lakoler ava tonbe.

Ezekyel 16:63

Alor, ou ava rapel lepase e ou ava kanmi avek laont san oze ouver labous. Me mwan, mon pou pardonn ou pour tou sa ki ou'n fer. Senyer BONDYE ki'n deklare.

Ezekyel 24:13

Zerizalenm! Ou bann aksyon imoral in sali ou. Menm ki mon ti oule pirifye ou, ou'n reste enpir. Ou pa pou ganny pirifye tan ki mon pa satisfer mon lakoler kont ou.

Ezekyel 5:13

Mon pou les mon lakoler azir e vanze kont zot, ziska ki mon ganny satisfaksyon. Kan mon lakoler ava'n fini avek zot, zot ava konnen ki mwan SENYER ki'n koze; mon zalou.

Zakari 1:15

Me mon tre ankoler kont bann nasyon ki krwar zot dan byen: Kan mon pa ti tro ankoler kont zot, zot in ogmant zot maler.

Ziz 15:7

Sanmson ti dir zot, “Akoz zot i azir konmsa, mon pa pou anpe tan ki mon pa vanz zot.”

Ziz 8:3

Dan zot lanmen ki Bondye in livre bann sef Madyanit, Horeb ek Zeeb. Kwa ki mon'n kapab fer ki parey zot?” Sa bann parol ti kalme zot lakoler kont li.