Zakari 6:7 - Labib An Kreol Seselwa

⁷ Bann seval rouz ti vini; zot ti prese pour al fer letour later. Alor, Senyer ti dir zot, “Ale! Al fer patrol lo later!” Sanmenm ki zot ti fer.

Zakari 6:7 ပူးပေါင်းရင်းမြစ်များ

Zenez 13:17

Ale, eksplor sa pei antye, akoz mon pe donn ou tousala.”

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Danyel 7:19

Alor, mon ti anvi ganny leksplikasyon lo sa katriyenm bebet ki ti diferan avek lezot e pli terib, ki ti annan ledan an fer ek grif an bronz. I ti devor e kraz an morso son viktim e pil lo tou sa ki ti reste.

Danyel 7:24

Sa dis korn, i dis lerwa ki pou leve dan sa rwayonm. En lot lerwa pou leve apre zot. I pou diferan avek sa bann avan, e i pou fer tonbe trwa lerwa.

Zakari 1:10

Alor, sa zonm ki ti pe debout parmi bann pye dibwa ti reponn, “SENYER in anvoy sa bann seval pour al eksplor later.”

Nonm 21:4

Pep Izrael ti kit montanny Hor e pran semen dan direksyon lanmer Rouz. Zot ti kontourn pei Edonm. Me dan semen, lepep ti perdi pasyans.