Zakari 6:6 - Labib An Kreol Seselwa

⁶ Kales ki bann seval nwanr ti pe trennen, ti pe al dan direksyon Nor pei. Sa enn ki ti'n ganny trennen par bann seval blan ti swiv e al dan direksyon Was pei; sa enn ki pe ganny trennen par bann seval taste, ti pe al dan direksyon Sid.”

Zakari 6:6 ပူးပေါင်းရင်းမြစ်များ

Ezekyel 1:4

Kan mon ti gete, en rafal divan ti soufle sorti dan Nor e anmenn avek li en gro nyaz; en rebor lalimyer ti ilimin lesyel otour li. Laflanm dife ti sorti dan son milye; i ti klate parey bronz ki pe fonn dan dife.

Zeremi 51:48

Tou bann kreatir dan lesyel e lo later pou sant zot lazwa lo Babilonn; bann atakan pou sorti dan Nor e pour vin detri sa lavil SENYER i deklare.

Zeremi 6:1

Zabitan tribi Benzamen! Sove! Kit Zerizalenm! Al rod proteksyon dan en lot landrwa. Sonn tronpet dan Tekoa; donn lavertisman dan Bet-Kerenm, akoz maler ek gran dezas pe arive sorti dan Nor.

Zeremi 4:6

Met en poto pour montre direksyon Siyon. Pa tarde al rod en labri. Pa aret dan semen. SENYER pe anvoy en dezas e en gran destriksyon sorti dan Nor.

Danyel 11:40

Kan letan lafen pou arive, lerwa Sid pou atak li. Me, lerwa Nor pou atak li avek kales lager, bann kavalye e avek bokou bato. I pou penetre dan bokou pei e travers zot frontyer parey en lavalas.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Danyel 11:9

Pourtan, lerwa Nor pou antre dan rwayonm lerwa Sid. Apre, i pou oblize retourn dan son teritwar.

Zeremi 46:10

Sa zour, i zour Senyer BONDYE liniver: Sa zour, i en zour revanz. Sa zour, i pou pini son bann lennmi. Lepe, parey en mons pe devor zot avek gran lapeti, e bwar zot disan ziska ler i sou. Ozordi, dan Nor, obor larivyer Efrat, sakrifis pe ganny ofer an loner Senyer BONDYE liniver.

Revelasyon 6:5

Kan Zenn Mouton ti ouver trwazyenm sele, mon ti antann sa trwazyenm kreatir vivan dir: Vini! Mon ti war en seval nwanr. Sa enn ki ti pe mont li ti annan en balans dan son lanmen.

Ezai 43:6

Avek Nor, mon pou dir: Rann zot! Avek Sid: Pa gard zot! Retourn mon bann garson ki dan pei lwenten e mon bann fiy ki dan bout later.

Ezai 30:6

La en mesaz konsernan bann zannimo ki viv dan Negev: Atraver en pei kot i annan maler ek detres, la kot lyon, mal ek femel i reste, kot serpan ek dragon volan i reste, zot anmenn zot larises lo ledo bourik, zot trezor lo bos samo; kado pour en pep ki pa kapab fer nanryen pour ed zot!