Zakari 6:3 - Labib An Kreol Seselwa

³ Trwazyenm kales ti pe ganny trennen par bann seval blan, e katriyenm kales par bann seval avek tas rouz.

Zakari 6:3 ပူးပေါင်းရင်းမြစ်များ

Zenez 31:10

Ler bann zannimo dan troupo ti an sezon, mon ti lev lizye, e dan en rev, mon ti war ki bann mal ki ti pe akouple ti swa pitakle, oubyen reye.

Danyel 2:33

son de lazanm ti an fer; son lipye ti an parti fer, e an parti later.

Zakari 1:8

Dan lannwit, mon ti war en zonm pe mont lo en seval rouz! I ti'n arete dan en vale parmi bann pye dibwa. Deryer li, ti annan bann seval kouler rouz, bren e blan.

Revelasyon 19:11

Answit, mon ti war lesyel ouver, e en seval blan ti aparet. Sa enn ki ti pe mont sa seval, ti apel Fidel e Vre. I zize e konbat avek lazistis.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Revelasyon 6:2

Mon ti gete e mon ti war en seval blan. Sa enn ki ti pe mont sa seval blan ti annan en fles dan son lanmen, e zot ti donn li en kouronn. I ti ale koman en venker e pour li ganny ankor laviktwar.

Revelasyon 6:8

Mon ti war en seval kouler pal. Sa enn ki ti pe mont sa seval ti apel Lanmor, e lemonn lanmor ti pe swiv li. Zot ti ganny pouvwar lo en kar later, pour touy dimoun par lepe, lafanmin, lepidemi, e par zannimo sovaz.