Zakari 5:4 - Labib An Kreol Seselwa

⁴ La sa ki SENYER liniver i deklare: Mon'n lans sa malediksyon; i pou antre dan lakaz sa voler e dan lakaz sa enn ki'n fer fo serman lo mon non. I pou reste dan sa lakaz e detri tou; menm son bann poto ek son bann ros.

Zakari 5:4 ပူးပေါင်းရင်းမြစ်များ

Liv Zob 18:15

Nenport ki i kapab reste dan sa latant; i nepli pour li; souf in ganny fannen lo son propriyete.

Liv Zob 20:26

Fernwanr total in ganny rezerve pour li; en dife ki personn pa'n alimen pou devor li, avek tou sa ki reste dan son latant.

Liv Zob 8:15

I pe apiy kont son lakaz; sa pa pou tenir. I ava kranponn avek li, me i pou tonbe.

Liv Zob 8:22

Ou bann lennmi pou ganny kouver avek laont; bann malfeter pou disparet.

Proverb 3:33

Malediksyon SENYER i tonm lo lafanmir en malfeter, me SENYER i beni lafanmir sa enn ki zis.

Ezai 24:6

Pour sa rezon, later in ganny devore par malediksyon. Son bann zabitan pe soufer konsekans. Alor, zot diminyen lo later e i pa reste bokou dimoun.

Zeremi 2:26

Me en zour, zot ki reste Izrael, lerwa ek sef, pret ek profet, zot osi, zot pou kouver ek laont parey en voler ki'n ganny atrape.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Oze 4:3

Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Amos 3:10

SENYER i deklare: Bann zabitan Samari pa konn viv dan en fason onnet; zot ranpli zot pale avek vyolans ek bann lobze vole.

Zakari 5:3

Alor, i ti dir mwan, “Sa i malediksyon ki pe fann partou dan pei. Lo en kote in ekri ki tou voler pour ganny sase; lo lot kote, ki tou dimoun ki fer fo serman pou ganny eliminen.”

Zakari 8:17

La sa ki SENYER i deklare: Pa mazin fer dimal ou prosen dan ou leker. Pa soutir dimoun ki fer fo serman; mon deteste tel keksoz.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Deterononm 28:16

Malediksyon pou lo ou dan lavil; malediksyon pou lo ou dan lakanpanny.

Deterononm 7:26

Pa anmenn okenn lobze degoutan dan ou lakaz, sankwa ou pou ganny detri ansanm avek zot. Ou devre deteste sa bann lobze, akoz fodre zot ganny detri.

Zozye 9:20

La mannyer nou pou tret zot: Akoz serman ki nou'n fer, nou ava les zot viv, pour pa atir lakoler Bondye lo nou.”