Zakari 4:2 - Labib An Kreol Seselwa

² I ti demann mwan, “Ki ou war?” Mon ti reponn, “Mon war en portlanp annor avek en rezervwar anler. Par lao, i annan set lalanp. Lo sa set lalanp ki par lao, i annan set labek.

Zakari 4:2 ပူးပေါင်းရင်းမြစ်များ

1 Kronik 28:15

bann pwa bann portlanp annor avek zot lalanp, pwa lor pour sak portlanp avek zot lalanp; pwa larzan pour bann portlanp lezot lalanp, dapre litilizasyon ki pour ganny fer dan bann servis;

2 Kronik 13:11

Tou le bomaten e tou le swar, zot bril bann sakrifis konplet ek lansan aromatik pour SENYER; zot depoz dipen lo latab annor pir e sak swar zot alim portlanp annor avek son bann lalanp. Nou, nou fer sa ki SENYER in ordonn nou, me zot, zot in abandonn li.

2 Kronik 4:7

I ti osi fabrik dis portlanp annor, dapre lareg fikse, ki i ti plas dan Tanp: Senk lo kote drwat e senk lo kote gos.

Eklezyas 12:6

Alor, reflesi, avan ki sa kordon lavi i detase, avan sa vaz annor i kase e sa potao i brize e lakord i tonm dan fon pwi;

Zeremi 24:3

SENYER ti demann mwan, “Ki ou war, Zeremi?” Mon ti reponn, “Bann fig. Bann ki bon i tre bon. Bann ki'n gate, zot telman gate, ki zot tro pouri pour manze.”

Zeremi 52:19

Sef gard rwayal ti pran bann pti kivet, bol pour bril lansan, lakoup pour tenir disan ki servi pour sakrifis, resipyan pour anmas lasann, portlanp bann bol ki servi pour lansan, e bann bol ki servi pour lofrann diven. I ti pran tou bann lobze annor e annarzan.

Amos 7:8

SENYER ti poz mwan sa kestyon: Amos, ki ou war? Mon ti reponn, “En filaplon.” Alor, SENYER ti dir mwan, “Mon pe servi sa filaplon pour montre mon pep ki i parey en miray ki pa daplon. Mon pa pou eparny li.

Zakari 5:2

Lanz ti demann mwan, “Ki ou war?” Mon ti reponn, “Mon war en roulo ki pe anvole. I nef met longer e kat met senkant larzer.”

Revelasyon 1:12

Mon ti vir deryer pour war lekel ki ti pe koz avek mwan. Alor, mon ti war set portlanp annor.

Revelasyon 1:20

Pour sa ki konsern mister sa set zetwal ki ou'n war dan mon lanmen drwat, e sa set portlanp annor, la zot sinifikasyon: Sa set zetwal i bann lanz sa set Legliz; sa set portlanp, i sa set Legliz.

Revelasyon 4:5

Zekler, bann lavwa, ek tapaz loraz ti sorti depi sa tronn. Set flanbo ti pe brile devan sa tronn. Sa ti sa set Lespri Bondye.