Zakari 4:14 - Labib An Kreol Seselwa

¹⁴ Alor i ti dir, “Zot reprezant sa de zonm ki'n ganny konsakre avek delwil fre. Zot pou dan servis devan Senyer later antye.”

Zakari 4:14 ပူးပေါင်းရင်းမြစ်များ

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

Esdras 5:2

Alor, Zorobabel, garson Sealtiel ek Zozye, garson Yosadak, ti konmans rekonstri tanp Bondye dan Zerizalenm. Bann profet Bondye ti la avek zot, pour ed zot.

Psonm 110:4

SENYER in fer sa serman e i pa pou sanze: Ou pret pour touzour, dapre lord Melkisedek.

Psonm 2:6

Mwan ki'n etabli mon lerwa lo Siyon, mon montanny sen.

Psonm 89:20

Mon'n dekouver mon serviter David; mon'n konsakre li avek delwil sen.

Egzod 29:7

Apre, ou ava pran delwil konsekrasyon ki ou ava vers lo son latet e ou ava konsakre li.

Egzod 40:15

Ou ava donn zot lonksyon parey ou ti fer anver zot papa; zot ava servi mwan koman pret. Sa lonksyon avek delwil ava fer zot pret pour touzour atraver tou bann zenerasyon.

Ezai 5:1

Mon anvi sant pour mon lanmoure en sanson lo son plantasyon rezen: Mon lanmoure ti annan en plantasyon rezen lo en kolin fertil.

Ezai 54:5

akoz ou mari, li menm ou Kreater; son non i SENYER liniver. Sa enn ki Sen dan Izrael, li menm ki ou Sover, i apel Bondye later antye.

Zeremi 49:19

Parey en lyon ki sorti dan brousay obor larivyer Zourden pour vin dan laplenn, mon pou vini e fer tou dimoun taye kot zot. Alor, mon pou etabli en sef ki mon ava'n swazir. Lekel ki kapab konpar li avek mwan? Lekel ki pou oze kontredir mwan? Lekel sa berze ki pou kapab opoz mwan?

Levitik 8:12

I ti vers en pe delwil lo latet Aaron, e konsakre li.

Mise 4:13

Zabitan Zerizalenm! Leve, al bat dible. Mon pou fer ou osi for ki en bef avek korn an fer, e sabo an bronz. Ou ava kas an morso bokou nasyon. Bann larises ki ou pran, ava ganny rezerve pour mwan, mwan SENYER, met liniver antye.

Zakari 6:13

Annefe, li menm ki pou konstri tanp SENYER. I pou resevwar kouronn rwayal. I pou asiz lo son tronn pour gouvern lepep. En pret pou asiz lo tronn akote li. Pou annan lantant ek larmoni.

Zakari 6:5

Lanz ti reponn mwan, “Sa i kat divan dan lesyel ki sorti dan prezans SENYER later antye.

Levanzil dapre Lik 1:19

Alor lanz ti reponn li, “Mwan, Gabriyel ki debout dan prezans Bondye pour servi li. In anvoy mwan pour koz avek ou, e anons ou sa bon nouvel.

Deterononm 10:8

Dan sa letan, SENYER ti swazir tribi Levi pour anmenn Kof Lalyans SENYER, e prezant devan SENYER pour servi li e pronons bann benediksyon an son non.

Zozye 3:11

Annefe, Kof Lalyans SENYER later antye pou travers larivyer Zourden devan zot.

Zozye 3:13

Kan bann pret ki anmenn Kof Lalyans SENYER, later antye ava poz zot lipye dan delo larivyer Zourden, delo par anler dan larivyer Zourden pou aret koule, e vin an ta.

Revelasyon 11:4

Sa de temwen i sa de pye zoliv ek sa de portlanp ki devan Senyer later.

1 Samyel 10:1

Samyel ti pran en fyol delwil, ki i ti vers lo latet Sail. I ti anbras li e dir li, “SENYER i konsakre ou koman sef lo son patrimwann.

1 Samyel 16:1

SENYER ti dir Samyel, “Ziska kan ou pou pler Sail? Mwan, mon'n rezet li koman lerwa Izrael. Ranpli ou korn avek delwil e ale. Mon anvoy ou kot Zese en zabitan Betlehenm, akoz mon'n war mon lerwa parmi son bann zanfan.”