Zakari 3:9 - Labib An Kreol Seselwa

⁹ Annefe, la sa ki SENYER liniver i deklare: Lo sa ros ki mon'n plas devan Zozye, sa ros rar, ki annan set kote, mwan menm ki pou grav son lenskripsyon; e dan en sel zour, mon pou efas pese sa pei.

Zakari 3:9 ပူးပေါင်းရင်းမြစ်များ

1 Rwa 1:20

Aprezan, mon senyer lerwa, pep Izrael antye pe esper avek enpasyans pour ou anonse piblikman lekel ki pou pran ou plas lo tronn, apre ou.

2 Kronik 16:9

SENYER i pronmnen son regar partou lo later pour soutenir bann ki zot leker i konpletman atase avek li. Me la, ou'n azir dan en fason stipid e apartir sa moman, ou bann lennmi pou deklar lager kont ou.

Psonm 103:12

Parey Les i lwen avek Was, i met nou pese lwen avek nou.

Psonm 118:22

Ros ki bann konstrikter ti rezete, in vin ros prensipal dan fondasyon.

Egzod 28:11

Ou ava fer en artizan grav non bann garson Izrael lo sa de pyer presye; i ava mont zot dan bann montan annor.

Egzod 28:21

I ava annan 12 pyer presye ki ava koresponn avek non bann zanfan Izrael. Lo sak pyer presye ou ava fer grave bann non bann zanfan Izrael; i ava parey en sele avek sak non lo la, pour sa 12 tribi.

Egzod 28:36

Ou ava fer en fler annor pir e ou ava grav lo la parey lo en bag: Konsa-kre pour SENYER.

Ezai 28:16

La sa ki Senyer BONDYE i deklare: La mon poz en ros fondasyon dan Siyon. En ros ki'n ganny byen swazir; en ros kwen presye, en fondasyon sir. Sa enn ki krwar dan li pa pou dezapwente.

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Zeremi 50:20

Kan sa zour i arive e dan sa letan, SENYER i deklare, ou pou rod fot Izrael, me ou pa pou trouve. Ou pou rod pese Zida, me ou pa pou war, akoz mon pou pardonn sa restan Izrael ki mon'n eparnyen.

Zakari 13:1

Sa zour, en sours pou ouver pour tribi David e pour bann zabitan Zerizalenm. I pou pirifye zot pese ek zot bann lespri enpir.

Zakari 3:4

Lanz ti dir sa bann dimoun ki ti pe debout devan li, “Tir sa lenz sal lo li.” I ti dir avek Zozye, “Gete! La mon debaras ou avek ou pese; mon pou abiy ou dan lenz lafet.”

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Levanzil dapre Zan 1:29

Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.

Levanzil dapre Zan 6:27

Pa travay pour nouritir ki gate, me travay pour nouritir ki dire pour lavi eternel. Sa nouritir, Fis-de-Lonm ki pou donn zot, akoz Bondye, mon Papa, in met mark son lotorite lo li.”

Akt de Zapot 4:11

Lo li menm sa Zezi, ki Lekritir ti dir: Sa ros ki zot, bann konstrikter, in rezete, in vin li menm ros kwen prensipal, ros pli enportan dan fondasyon.

Romen 9:33

Annefe, Lekritir i dir: La mon plas dan Siyon, en ros ki fer dimoun tonbe. En ros ki fer zot tonbe. Sa enn ki krwar dan li pa pou dezapwente.

2 Korentyen 1:22

Li menm ki'n mark nou avek son sele e ki'n met Lespri Sen dan nou leker koman en garanti.

2 Korentyen 3:3

An realite, zot en let ki'n ganny ekri par Zezi-Kri e ki'n ganny transmet par nou. I pa'n ganny ekri avek lank, me avek Lespri Bondye ki vivan. Sa let pa'n ganny grave lo bann tablet an pyer, me dan leker imen.

2 Timote 2:19

Pourtan, sa baz solid ki Bondye in poze i reste solid. Sa bann parol i reste grave: Senyer i konnen lekel ki lo son kote. E ankor: Sa enn ki nonm non Senyer, i devre detourn li avek lemal.

Ebre 7:27

I pa bezwen ofer sakrifis tou le zour, parey lezot Gran-Pret, dabor pour son prop pese, answit pour pese lepep. I'n ofer son lekor an sakrifis en sel fwa pour tou.

1 Zan 2:2

I'n ofer li menm, koman sakrifis pour nou ganny pardon nou pese. Pa zis pour nou, me osi pour pese lemonn antye.

Revelasyon 5:6

Dan milye tronn, mon ti war en Zenn Mouton pe debout, antoure par sa kat kreatir vivan ek bann ansyen. I ti sanble ki sa Zenn Mouton ti'n ganny ofer an sakrifis. I ti annan set korn ek set lizye ki ti sa set lespri Bondye ki ti'n ganny anvoye partou lo later.