Zakari 3:3 - Labib An Kreol Seselwa

³ Zozye ti pe debout devan lanz dan en lenz sal.

Zakari 3:3 ပူးပေါင်းရင်းမြစ်များ

Esdras 5:2

Alor, Zorobabel, garson Sealtiel ek Zozye, garson Yosadak, ti konmans rekonstri tanp Bondye dan Zerizalenm. Bann profet Bondye ti la avek zot, pour ed zot.

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Ezai 4:4

Apre, SENYER ava lav salte bann zabitan Siyon e netway disan ki dan Zerizalenm par en souf lazistis e destriksyon.

Ezai 64:5

Ou ed sa bann ki fer sa ki byen san ezite, sa bann ki mars dapre ou lalwa. Me ou ti ankoler akoz nou ti fer pese; ou ti kasyet ou akoz nou ti'n transgres ou lalwa.

Ezai 64:6

Nou tou, nou'n fer pese e tou nou bann bon aksyon, i parey en lenz sal. Nou tou, nou'n fletri parey en fey e nou bann pese i fer nou anvole dan divan.

Danyel 9:18

Mon Bondye ekoute! Ouver ou lizye e war nou lavil ki'n konpletman detri, sa lavil kot ou non i ganny envoke. Nou prezant nou siplikasyon devan ou, pa akoz nou'n azir dapre lazistis, me akoz ou gran konpasyon.

Let Zak 2:2

Sipoze ki en zonm ris avek bag annor e byen abiye, i antre dan ou lasanble. Anmenmtan, en zonm pov dan lenz sal e desire i antre.

Let Zid 1:23

Sov zot e retir zot dan dife zizman. Anver lezot, montre konpasyon, me fer atansyon: Evit tou kontak, menm avek zot lenz ki'n tase par zot move lavi.

Revelasyon 19:8

I'n ganny permisyon pour abiy dan linenn fen, klate e pir. Annefe, linenn fen i bann aksyon lazistis pep Bondye.