Zakari 2:8 - Labib An Kreol Seselwa

⁸ La sa ki SENYER liniver i deklare konsernan bann nasyon ki'n depouy ou: Sa enn ki tous ou, pou ganny zafer avek mwan.

Zakari 2:8 ပူးပေါင်းရင်းမြစ်များ

Zenez 20:6

Bondye ti reponn li dan en rev, “Wi, mon konnen ki ou'n azir avek en leker net. Pour sa rezon, mon'n anpes ou komet en pese kont mwan e mon pa'n permet ou tous li.

2 Rwa 24:2

SENYER ti anvoy kont li, bann troup Babilonyen, Siriyen, Moabit ek Amonit. I ti anvoy zot kont Zida pour detri li, parey SENYER ti'n dir par lentermedyer son bann serviter, bann profet.

Psonm 17:8

Gard mwan koman kannet ou lizye. Kasyet mwan anba lonbraz ou lezel,

Proverb 7:2

Gard mon bann komannman e ou ava viv; gard mon lansennyman koman ou kannet lizye.

Ezai 49:19

I vre ki ou bann zabitan pou santi zot sere lo sa later ki'n ganny devaste, en landrwa dezer, en landrwa ki'n ganny detri, e bann ki ti oule devor ou ava'n fini ale.

Zeremi 12:14

La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Zeremi 27:7

Tou bann nasyon pou servi li, son garson ek son pti zanfan, ziska ler son zour ava vini. Alor, bann nasyon ek bann lerwa pli pwisan ki li pour fer li lesklav.

Ezekyel 25:12

La sa ki Senyer BONDYE i deklare: Akoz bann Edomit in azir avek vanzans kont pep Zida, e ki zot in komet en gro lofans par zot vanzans,

Ezekyel 25:15

La sa ki Senyer BONDYE i deklare: Bann Filisten in azir avek vanzans. Zot in vanze avek bokou rankin dan zot leker e avek en laenn depi lontan.

Ezekyel 26:2

Ou ki en imen, ekoute sa ki zabitan Tir in dir kont Zerizalenm: Laport kot tou pep i pase in kase; i'n ouver pour mwan; i mon tour pour mwan vin ris, la ki i'n ganny detri.

Ezekyel 26:20

Mon pou fer ou desann dan lemonn lanmor avek bann ki'n ale depi lontan. Mon pou fer ou reste dan profonder later. Parey bann rin lantikite, ou pou reste avek sa ki dan lemonn lanmor; ou pou nepli annan okenn zabitan e mon pou donn later bann vivan ou labote.

Ezekyel 35:5

Annefe, ou'n touzour gard rankin kont Izrael, ou'n profite pour masakre zot dan moman zot maler, letan ki zot ti pe sibir konsekans zot bann fot.

Ezekyel 36:11

Mon pou ogmant ou popilasyon, dimoun koman zannimo. Zot pou ganny bokou zanfan e vin en gran pep. Zot pou ganny peple parey dan lepase e mon pou ogmant zot prosperite plis ki avan. Alor, zot ava konnen ki mwan menm SENYER.

Ezekyel 38:11

Ou ava deside al atak en pei san defans, en pep ki pe viv trankil an sekirite; en bann lavil ki napa ni miray proteksyon, ni baro.

Ezekyel 38:14

Alor, ou ki en imen, anons sa mesaz. Dir Gog: La sa ki Senyer BONDYE i deklare: Sa zour, ki mon pep Izrael ava viv an sekirite, ou ava konnen.

Amos 1:11

La sa ki SENYER i deklare: Akoz sa kantite krim pep Edonm, mon pa pou sanz mon desizyon. Akoz zot ti sas zot frer avek lepe, san pran okenn konpasyon, zot ti kontinyen dan zot lakoler e kontinyelman gard rankin.

Amos 1:13

La sa ki SENYER i deklare: Akoz sa kantite krim pep Amonit, mon pa pou sanz mon desizyon: Akoz zot in fann vant bann fanm ansent pour zot agrandi zot teritwar dan Galaad,

Amos 1:9

La sa ki SENYER i deklare: Akoz sa kantite krim pep Tir, mon pa pou sanz mon desizyon. Akoz zot in livre en pep antye dan lanmen bann Edomit, san menm mazin lalyans fraternel ant zot,

Mise 4:11

Aprezan, bokou nasyon in rasanble kont ou. Zot ki dir: Zerizalenm pou ganny detri, nou ava war spektak larin Siyon.

Mise 5:6

Zot pou diriz Asiri avek lepe, e pei Nenmrod avek zarm. Si bann Asiriyen i vin dan nou pei, si zot travers nou frontyer e penetre dan nou teritwar, konmsa, ki nou pou ganny delivre.

Mise 7:10

Mon lennmi pou war sa e i pou ganny kouver avek laont. Sa enn ki ti abitye demande: Oli SENYER, ou Bondye, pou vin en spektak. I pou ganny kraze anba lipye, parey labou dan semen.

Habakouk 2:17

Vyolans kont Liban pou tourn kont ou; destriksyon bann zannimo pou fer ou per akoz disan imen, akoz vyolans kont pei, kont lavil e kont son bann zabitan.

Habakouk 2:8

Akoz ou'n depouy en kantite nasyon, akoz ou'n fer disan imen koule, akoz vyolans dan pei, dan lavil e kot tou son bann zabitan, leres bann pep pou depouy ou.

Sofoni 2:8

Mon'n antann bann ensilt sorti kot bann Moabit, bann Amonit pe gognarde. Zot in ensilte mon pep e pran zot later pour agrandi pour zot.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Zakari 2:9

Gete aprezan! Mon pou lev mon lanmen kont zot e zot prop lesklav pou depouy zot. Alor, zot ava konnen ki SENYER liniver ki'n anvoy mwan.

Zakari 8:5

En kantite garson ek fiy pou zwe dan bann semen lavil.

Malasi 3:1

La, mon anvoy mon mesaze. I pou prepar semen devan mwan. En sel kou, SENYER ki zot pe espere, pou vini, e i pou antre dan son tanp. Mesaze pou proklanm mon lalyans, SENYER liniver ki deklare.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

Matye 25:45

Lerwa pou reponn zot: Mon dir zot, sa i laverite: Sak fwa ki zot ti refize ed enn sa bann pli pti parmi mon bann frer, se mwan ki zot ti refize.

Levanzil dapre Zan 14:26

Me Konseye, Lespri Sen ki Papa pou anvoye an mon non, pou ansenny zot tou keksoz e fer zot rapel tou sa ki mon'n dir zot.

Levanzil dapre Zan 17:18

Parey ou'n anvoy mwan dan lemonn, mwan osi, mon anvoy zot dan lemonn.

Akt de Zapot 9:4

I ti tonm ater e i ti antann en lavwa ki ti dir li: Sol! Sol! Akoz ou persekit mwan?

Deterononm 32:10

I ti trouv li dan en pei dezer, dan en teritwar abandonnen. I ti protez li, pran swen avek li, gard li parey son kannet lizye,

2 Tesalonisyen 1:6

Annefe, Bondye i zis. I pou fer soufer bann ki'n fer zot soufer.

1 Zan 4:14

E nou, nou'n war e nou proklanmen ki Bondye Papa in anvoy son Garson koman Sover lemonn.