Zakari 2:6 - Labib An Kreol Seselwa

⁶ La sa ki SENYER liniver i deklare: Leve! Sove, kit pei Nor. Mon'n dispers ou dan tou direksyon, parey divan ki soufle dan kat kwen lesyel. SENYER ki deklare.

Zakari 2:6 ပူးပေါင်းရင်းမြစ်များ

Zenez 19:17

Letan sa de zonm ti pe anmenn Lot ek son fanmir an deor lavil, sa de zonm ti dir, “Sov zot lavi! Pa vir deryer, pa arete dan laplenn. Sov dan montanny, sankwa zot pou mor.”

Psonm 44:2

Avek ou lafors, ou ti sas bann nasyon pour etabli nou zanset. Ou'n kraz bann nasyon pour fer ou pep grandi.

Ezai 48:20

Sorti dan Babilonn! Sove! Kit bann Kaldeen. Kriye dan lazwa! Proklanmen! Fer tande ziska dan lot bout later. Dir: SENYER in sov son serviter Zakob.

Ezai 55:1

Zot ki swaf! Vin bwar delo. Zot ki napa larzan! Vini, vin manze pour nanryen! Vini, vin aste diven ek dile san larzan, san peye!

Zeremi 1:14

Alor, SENYER ti eksplik mwan: Maler pou sorti dan Nor e i pou devers lo tou bann zabitan sa pei.

Zeremi 15:4

Kan zot ava war sa pep, tou bann rwayonm lo later pou tranble avek lafreyer. Sa i rezilta tou sa ki Manase, garson Ezekyas ti fer dan Zerizalenm, letan i ti lerwa Zida.

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Zeremi 31:38

Sa zour pe vini, SENYER i deklare, kan lavil Zerizalenm pou ganny rekonstri zis pour mwan, depi latour Hananeel, ziska laport Dan Kwen.

Zeremi 31:8

Annefe, mon pou fer zot retournen depi bann pei dan Nor, e rasanble zot depi pei pli lwen lo later. Tou dimoun pou la: Bann aveg, bann ki bwete, fanm ansent e fanm ki pe ganny zanfan. Sa pou en gran lasanble ki pou retourn isi.

Zeremi 50:8

Sove dan Babilonn! Kit pei bann Kaldeen! Fer parey bann bouk ki diriz en troupo.

Zeremi 51:45

Mon pep! Sorti dan sa lavil! Sov ou lavi devan gran lakoler SENYER.

Zeremi 51:50

Ou'n sap lanmor! Ale aprezan! Pa trennen! Menm si ou lwen ek lakour, pa oubliy mwan ki ou SENYER, e rapel ou Zerizalenm.

Zeremi 51:6

Sove dan Babilonn! Sakenn sov son lavi! Pa les zot ganny touye par lafot Babilonn. Ler in arive pour SENYER pran son revanz e pini li parey i merite.

Ezekyel 11:16

Alor, ou ava dir zot: La sa ki Senyer BONDYE i deklare: Menm si mon'n dispers zot lwen dan bann pei, parmi bann nasyon etranze, mon'n touzour reste prezan en pe letan parmi zot dan bann pei partou kot zot in ale.

Ezekyel 17:21

Bann meyer gerye pou ganny touye dan lager. Bann sirvivan pou disperse dan tou kote. Alor, zot ava konnen ki mwan SENYER, mon'n koze.

Ezekyel 5:10

Akoz sa, dan sa lavil, bann paran pou manz zot zanfan e zanfan pou manz zot paran. Mon pou egzekit mon zizman kont ou e dispers tou bann sirvivan, dan tou kote.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Danyel 11:4

Letan in byen etabli li, son rwayonm pou ganny kase e divize ver kat kwen later; me pa son bann garson ki pou vin lerwa. Zot pa pou pwisan parey li. Son rwayonm pou ganny derasinen e ganny pase avek en lot.

Amos 9:9

Annefe, mon pou donn mon bann lord; mon pou sekwe zabitan Izrael parey ou sekwe legren dan en tanmi, e napa okenn gravye ki pou tonbe.

Zakari 1:16

Pour sa rezon, la sa ki SENYER i deklare: Par pitye, mon pou retourn Zerizalenm avek konpasyon; lanmenm la kot mon tanp pou ganny rekonstri. SENYER liniver ki deklare; latres pour mezire ava ganny drese lo Zerizalenm.

Zakari 2:7

Zabitan Siyon! Ou ki reste dan Babilonn! Sove.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Mark 13:27

Alor, i pou anvoy bann lanz dan kat kwen lemonn, depi later ziska lesyel, pour rasanble tou bann ki'n ganny swazir.”

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

Revelasyon 18:4

Apre, mon ti antann en lot lavwa sorti dan lesyel ki ti dir: Mon pep! Sorti dan sa lavil, pour ou pa partisip dan son bann pese e pour ou pa resevwar en par dan son bann fleo.

Rit 4:1

Boaz ti al kot laport lavil e i ti asize. La, sa fanmir pros Elimelek, ki Boaz ti'n koz lo la, ti pase. Alor, Boaz ti dir li, “Arete, zanmi! Asiz en kou la.” Sa zonm ti aprose e i ti asize.