Zakari 2:4 - Labib An Kreol Seselwa

⁴ Sa dezyenm lanz ti dir li, “Taye! Al dir avek sa zennonm: Zerizalenm pou ganny abite parey bann vilaz ki napa okenn miray. Annefe, en kantite dimoun ek zannimo pou vin viv kot li.”

Zakari 2:4 ပူးပေါင်းရင်းမြစ်များ

Ester 9:19

Pour sa rezon ki bann Zwif dan vilaz e ki reste dan bann lavil san miray proteksyon zot fer sa katorzyenm zour mwan Adar en zour lafet ek selebrasyon; sakenn i anvoy kado kot son vwazen.

Ezai 33:20

Get lo kote Siyon, lavil kot nou fer lafet! Ou lizye ava war Zerizalenm, sa landrwa trankil; son latant pa pou zanmen ganny demonte; son bann pike pa pou zanmen ganny arase e okenn son bann lakord pa pou kase.

Ezai 44:26

Mon fer realize parol mon serviter e fer arive sa ki mon bann mesaze i anonse. Mon dir lo size Zerizalenm: I pou ganny abite. Konsernan bann lavil dan Zida: Zot ava ganny rekonstri e remet an valer sa ki'n ganny devaste.

Ezai 49:20

Sa bann zanfan ki ou'n ganny dan letan difisil pou dir dan ou zorey: Sa landrwa i tro sere; fer plas pour mwan kapab reste.

Ezai 54:16

Gete! Mwan ki'n kree forzron ki soufle lo labrez sarbon, ki fabrik bann zarm pour son litilite. Mon'n osi kree sa dimoun ki kapab detri sa bann zarm.

Zeremi 1:6

Mon ti reponn: “Malerezman, Senyer BONDYE, mon pa konn koze, mon tro zenn.”

Zeremi 31:24

Tou dimoun, bann fermye, bann berze avek zot troupo pou viv ansanm, dan Zida e dan son bann lavil.

Zeremi 31:27

Letan pe vini, SENYER i deklare, kan mon pou ranpli Izrael ek Zida avek zabitan ek zannimo, parey ler ou senm lagrenn dan en plantasyon.

Zeremi 33:22

Parey i pa posib kont bann zetwal dan lesyel, ni bann gren disab dan lanmer, mon pou osi ogmant desandans mon serviter David e bann desandan Levi ki servi mwan koman pret.

Ezekyel 38:11

Ou ava deside al atak en pei san defans, en pep ki pe viv trankil an sekirite; en bann lavil ki napa ni miray proteksyon, ni baro.

Danyel 1:17

An sa ki konsern literatir ek lasazes, Bondye ti donn sa kat zennzan, disernman ek konnesans. Danyel ti osi kapab enterpret bann vizyon ek bann rev.

Danyel 1:4

Sa bann zennzan ti devre san defo fizik, zoli, doue avek lasazes, konnesans ek disernman. Konmsa zot ava kapab antre dan servis lerwa, ganny ansennyen bann literatir ek langaz Babilonyen.

Mise 7:11

Sa zour, ou bann miray pou ganny rekonstri. Sa menm zour, ou bann teritwar pou agrandi.

Zakari 1:16

Pour sa rezon, la sa ki SENYER i deklare: Par pitye, mon pou retourn Zerizalenm avek konpasyon; lanmenm la kot mon tanp pou ganny rekonstri. SENYER liniver ki deklare; latres pour mezire ava ganny drese lo Zerizalenm.

Zakari 1:17

Anons ankor sa mesaz: La sa ki SENYER liniver i deklare: Mon bann lavil pou ranpli ankor en fwa avek en kantite larises. Ankor en fwa, SENYER pou rekonfort Siyon e swazir Zerizalenm.

Zakari 12:6

Sa zour, mon pou fer bann sef Zida vin parey en dife ki pe kouve anba en ta dibwa, parey en tors alimen dan bann ta dible. I pou devor tou bann pep dan zalantour, adrwat e agos. Me Zerizalenm pa pou bouze.

Zakari 14:12

La maler ki SENYER pou anvoy lo tou bann pep ki'n lager kont Zerizalenm: Zot lapo pou pouri pandan ki zot ankor debout; zot lizye pou pouri dan son orbit e zot lalang pou pouri dan zot labous.

1 Timote 4:12

Pa les personn mepriz ou akoz ou ankor zenn, me donn legzanp bann krwayan dan ou fason koze, dan ou mannyer viv, dan ou lanmour, ou lafwa ek en lavi pir.