Zakari 2:13 - Labib An Kreol Seselwa

¹³ Gard silans devan SENYER, akoz in leve sorti dan son sanktyer sakre.

Zakari 2:13 ပူးပေါင်းရင်းမြစ်များ

2 Kronik 30:27

Bann pret ek bann levit ti debout e beni lepep. Lao dan lesyel, Bondye, ti ekout zot lapriyer.

Psonm 11:4

SENYER i dan son tanp sen. Lo son tronn dan lesyel, i obzerv later ek son bann zabitan.

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Psonm 68:5

Dan son sanktyer sakre, Bondye i en papa pour bann orfelen e i protez bann vev.

Psonm 78:65

Apre sa, SENYER ti leve konmsi sorti dan en sonmey, parey en gerye ki ti'n bwar tro diven.

Ezai 14:2

Lezot pep etranze ava akey Izrael, pour anmenn li dan son pei. La, lo later ki pou SENYER, pep Izrael pou fer zot vin son lesklav, zonm koman fanm. Izrael pou fer prizonnyen sa bann menm dimoun ki ti'n anmenn li an kaptivite; i pou domin sa bann ki ti kraz li.

Ezai 19:16

Sa zour, bann Ezipsyen pou parey bann fanm: Zot pou tranble avek lafreyer devan lanmen ki SENYER liniver in leve kont zot.

Ezai 41:1

La sa ki SENYER i deklare: Bann zil! Gard silans pour ekout mwan! Bann pep! Repran zot lafors. Aprose e koze! Ansanm, annou apros devan tribinal.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 57:5

Zot brile anndan avek move dezir anba bann pye dibwa sakre, anba tou pye dibwa avek feyaz ver. Zot ofer an sakrifis zot zanfan dan bann vale, obor larivyer, dan lafant ros.

Ezai 63:15

Port atansyon depi lesyel ki ou demer sen e glorye. Oli ou lanmour ek ou lafors? Oli ou leker ranpli avek konpasyon? Mon pa merit tousala.

Zeremi 25:30

Ou, Zeremi, al anons tou sa ki mon deklare. Ou ava dir bann pep: La sa ki SENYER liniver i deklare: Parey tapaz ki en lyon i fer, SENYER pou apel depi lao dan lesyel. I pou fer son lavwa tande dan son tanp sakre. Parey en zwazo ki atak en mouton, i pou kriy byen for kont son pep. I pou kriye parey ler zot pe kraz rezen, kont tou zabitan lo later.

Habakouk 2:20

Me SENYER i prezan dan son tanp sen. Later antye! Fer silans devan li.

Sofoni 1:7

Fer silans devan Senyer BONDYE! Akoz zour zizman SENYER i pros. SENYER in prepar en sakrifis; i'n konsakre son bann envite.

Sofoni 2:9

Alor, la sa ki SENYER liniver, Bondye Izrael, i deklare: Osi vre ki mon vivan, Moab pou vin parey Sodonm; bann Amonit parey lavil Gomor. Sa pei pou vin en landrwa kouver avek move zerb, bann basen disel, en pei detri pour touzour. Leres sirvivan parmi mon pep pou depouy li. Restan mon pep pou pran posesyon zot patrimwann.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Zakari 4:9

“Lanmen Zorobabel ki'n poz fondasyon sa tanp. Se son lanmen ki pou konplet li. Alor, ou ava konnen ki SENYER liniver ki'n anvoy mwan kot ou.

Zakari 6:15

Dimoun ki reste lwen, pou vin ede dan konstriksyon tanp SENYER. Konmsa, ou ava konnen ki SENYER liniver ki'n anvoy mwan kot zot. Tousala pou arive si ou vreman obei SENYER ou Bondye.

Romen 3:19

Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye.

Romen 9:20

Me ki ou ete ou, zonm, pour ou kontredir Bondye? Eski en po later i kapab demann avek son fabrikan: Akoz ou'n fer mwan konmsa?

Deterononm 18:21

Petet ou ava dir dan ou menm: Ki mannyer nou pou kapab rekonnet en parol ki SENYER pa'n dir?

Deterononm 18:22

Si en profet i koz lo non SENYER, me sa ki i dir pa realize, oubyen i ganny rekonnet fo, alor, sa i en parol ki SENYER pa'n dir. Ou pa devre per li.

Deterononm 26:15

Depi ou demer ki sen, depi lesyel, regarde e beni Izrael ou pep ek later ki ou'n donn nou, parey ou ti fer serman avek nou bann zanset, sa pei kot dile ek dimyel i koule.