Zakari 2:11 - Labib An Kreol Seselwa

¹¹ Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Zakari 2:11 ပူးပေါင်းရင်းမြစ်များ

Psonm 72:17

Son non ava ganny selebre pour touzour; son repitasyon ava dire pour touzour e bann pep ava pronons son non pour zot beni kanmarad. Tou bann nasyon i deklar li byennere!

Egzod 12:49

I ava annan en menm lalwa pour bann sitwayen e pour bann etranze ki reste parmi zot.”

Ezai 45:14

La sa ki SENYER i deklare: Mendev Lezip, komers bann Nibyen e bann Sabeen, sa bann zean pou pas dan ou lanmen e pou vin ou propriyete. Zot pou swiv ou atase avek lasenn e zot ava prostern devan ou. Zot ava sipliy ou: Bondye i avek ou e napa okenn lot.

Ezai 48:16

Apros kot mwan! Ekout mwan! Depi konmansman mon pa'n koz an sekre. Mon ti la byen avan tousala. Aprezan, Senyer BONDYE in anvoy mwan avek son lespri.

Ezai 52:10

SENYER in montre lafors son lebra devan tou bann nasyon; e later antye pou war ki mannyer nou Bondye i sov son pep.

Ezai 52:11

Ale! Ale! Sorti kot zot ete! Pa tous nanryen ki enpir. Sorti parmi zot! Zot ki pe anmenn bann lobze sakre dan servis SENYER! Pirifye zot!

Ezai 66:19

Mon pou met en siny parmi zot. Mon pou anvoy en pe bann sirvivan kot bann nasyon: Tarsis, Pout ek Loud, bann ki konn byen tir fles, Toubal ek Lagres; dan bann zil elwannyen ki pa'n antann mon non rezonnen ni war mon laglwar; zot pou anons mon laglwar parmi bann nasyon.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.

Zeremi 50:8

Sove dan Babilonn! Kit pei bann Kaldeen! Fer parey bann bouk ki diriz en troupo.

Ezekyel 33:33

Kan sa i arive, akoz i pre pou arive, zot ava konnen ki ti annan en profet parmi zot.

Mise 4:2

Plizyer nasyon pou vin la. Zot pou dir: Vini! Annou mont ver montanny SENYER, ver tanp Bondye Zakob. I ava fer nou konn son semen.

Zakari 1:16

Pour sa rezon, la sa ki SENYER i deklare: Par pitye, mon pou retourn Zerizalenm avek konpasyon; lanmenm la kot mon tanp pou ganny rekonstri. SENYER liniver ki deklare; latres pour mezire ava ganny drese lo Zerizalenm.

Zakari 2:5

La sa ki SENYER liniver i deklare, “Deor, mon pou en miray dife otour li. Anndan, mon pou son laglwar.”

Zakari 3:10

SENYER liniver ki deklare: Sa zour, zot pou envit kanmarad anba zot pye rezen oubyen anba zot pye fig.

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

Zakari 8:8

Mon pou fer zot retourn dan Zerizalenm. Zot pou vin mon pep e mon pou zot Bondye ki fidel e zis.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Levanzil dapre Lik 2:32

en lalimyer pour ekler bann nasyon e laglwar ou pep, Izrael.

Levanzil dapre Zan 17:21

Mon priye pour ki zot tou, zot ava vin en sel. Parey ou mon Papa, ou dan mwan e mwan mon dan ou; ki zot osi, zot ava dan nou. Konmsa, lemonn ava krwar ki ou ki'n anvoy mwan.

Levanzil dapre Zan 17:23

Mon dan zot, e zot dan mwan. Konmsa, zot ava vin vreman en sel. Alor, lemonn ava konnen ki ou ki'n anvoy mwan, e ki ou kontan zot parey ou kontan mwan.

Levanzil dapre Zan 17:25

Papa! Ou ki zis, lemonn pa'n konn ou. Me mwan, mon'n konn ou, e zot konnen ki se ou, ki'n anvoy mwan.

Akt de Zapot 28:28

Alor mon oule ki zot konnen ki sa mesaz delivrans Bondye, i'n ganny anvoye kot bann non-Zwif. Zot, zot ava ekoute!”

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.